Contact Us

SON XƏBƏRLƏR

Elmar Məmmədyarov: «Ermənistan «yenilənmiş Madrid prinsipləri»ndən imtina edib»

2021.10.20, 07:36
Elmar Məmmədyarov: «Ermənistan «yenilənmiş Madrid prinsipləri»ndən imtina edib»

Gunaz.tv

GünAz TV: Elmar Məmmədyarov bildirib ki, Ermənistan tərəfi «yenilənmiş Madrid prinsipləri (ilkələri, əslləri)»ndən imtina edib və bununla da bütün sülh danışıqları prosesini (sürəcini) təhlükə altına alıb.

Azərbaycanın Xarici İşlər naziri Elmar Məmmədyarov Nyu-Yorkda Dağlıq Qarabağ münaqişəsinin nizamlanması üzrə ATƏT-in Minsk qrupunun vasitəçiləri Robert Bradke (Amerika Birləşmiş Ştatları), İqor Popov (Rusiya) və ATƏT-in (Avropa Təhlükəsizlik və Əməkdaşlıq Təşkilatı) fəaliyyətdə olan sədrinin şəxsi nümayəndəsi Anjey Kasprşiklə (Andrzej Kasprzyk) görüşüb.

Məlumatı Xarici İşlər Nazirliyi yayıb.

Görüş zamanı Elmar Məmmədyarov qeyd edib ki, Ermənistan tərəfi «yenilənmiş Madrid prinsipləri (ilkələri, əslləri)»ndən imtina edib və bununla da bütün sülh danışıqları prosesini (sürəcini) təhlükə altına alıb:

«Əhəmiyyətli irəliləyiş yalnız o halda ola bilər ki, Ermənistan tərəfi Minsk qrupunun həmsədr ölkələrinin 2009-cu ilin dekabrında (December) Azərbaycana və Ermənistana təqdim etdikləri rəsmi sənədi qəbul etsin».

Görüşdə mövcud status-kvonun (vəziyyətin) həm Azərbaycanı, həm də beynəlxalq ictimaiyyəti təmin etmədiyi barədə ümumi anlayış ifadə olunub. Azərbaycan nizamlama prosesinin bir çox prinsipləri barədə əldə olunmuş qarşılıqlı razılığı əsas götürərək, sülh sazişi üzərində işə başlamağı təklif edir.

SEÇİLMİŞ XƏBƏRLƏR

Çox oxunanlar