GünAzTv: Mübariz İbrahimovun 5 saat təkbaşına döyüşərək, 54 erməni əsgəri öldürdüyü xəbəri yayılıb. Ermənistan Müdafiə Nazirliyinin 2 general və 8 zabiti ordudan qovmasının baş vermiş hadisə ilə bağlı olduğu deyilir.İyunun 18-dən 19-na keçən gecə düşmənin hücumunun qarşısının alınması zamanı döyüşlərdə şəhid olmuş Azərbaycanın Milli Qəhrəmanı Mübariz İbrahimovla bağlı hər gün yeni bir xəbər yayılır. Həmin xəbərlər sırasında kifayət qədər əsaslandırılmış fikirlər olduğu qədər, bir o qədər də qəhrəmanlaşdırma üçün istifadə olunan rəylərin də mövcud olduğu diqqəti çəkir. Ancaq bütün hallarda Azərbaycan ordusunun şanlı zabitinin göstərdiyi şücaət və qəhrəmanlıq ən yüksək səviyyədə təqdir olunmalı və alqışlanmalıdır. Bu əsnada isə Mübariz İbrahimovun şəhadəti ilə yeni bir xəbər də gündəmə gəlib. Bu barədə yayılan xəbərlərdə deyilir ki, gec baş vermiş döyüş nəticəsində Milli Qəhrəman təkbaşına cəbhə xəttini yararaq, düşmənin arxasına keçməyi bacarıb. Ardından isə Çaylı kəndinin içində yerləşən düşmənin hərbi hissəsinə daxil olaraq, oradakı silah anbarını partladıb. Partlayışdan sonra düşmənin 54 əsgərinin öldüyü iddia edilir. Yayılan xəbərlərə görə, Mübariz partlayışdan sonra ərazini tərk etməyə çalışsa da, düşmənin diqqət mərkəzinə düşüb. Tək olmasına baxmayaraq, döyüşə girən Milli Qəhrəman 5 saat bu şəkildə duruş gətirməyi bacarıb. Bu zaman 5 düşmən əsgərini yerindəcə öldürən, 4-nü isə ağır yaralayan Milli Qəhrəman Çaylı kəndinin içində pusquya salınıb. Hər tərəfdən sıxışdırılan qəhrəman əsgərimiz kəndin içindəki məftil hasarı keçə bilmədiyindən bir qədər ləngiyib və həmin ləngimə zamanı ermənilər çdığı atəş onu yaxalayıb. Nəticədə, başından və sol tərəfindən aldığı 3 güllə yarasından dünyasını dəyişib. Qeyd edək ki, Mübariz İbrahimovun odnoklassnik.ru saytında yayılmış şəkillərindən də aydın görünürdü ki, güllələr əsasən onun sol böyründən dəyib. Hadisənin kəndin içində olduğu isə şübhəsizdir. Çünki çəkilən fotoşəkillərdən də aydın görünür ki, qəhrəman əsgərimiz kəndin içinədək döyüşə-döyüşə gəlib. Etiraf edək ki, bu qədər əsgəri təkbaşına öldürmək, yəni silahlı vurmaq bir qədər çətin məsələdir və məlumatın şişirdilə biləcəyini də düşünməyə dəyər. Amma ortada hərbi hissənin partladılması faktı təsdiqini taparsa, bundan da artıq ölüm halının ola biləcəyi mümkündür. Çünki silah anbarının partladılması təkcə onu qoruyan 10-a yaxın əsgərin ölümü anlamına gəlir. Və partlayışın təsirindən yaxınlıqdakı bütün hərbçilərin ölməsi mümkündür. Amma maraqlı xəbərlər bununla da bitməyir. Bu əsnada məlum olub ki, hadisədən dərhal sonra Ermənistan tərəfi faktla bağlı cinayət işi qaldırıb. Ermənistan Hərbi Prokurorluğunun yaydığı məlumatda isə deyilir ki, Çaylı kəndində baş vermiş hadisə zamanı 6 əsgər ölüb, 4-ü isə yaralanıb. Amma bu məlumatın yalan olduğu barədə xəbərlər yayan erməni mətbuatı bildirir ki, ölüm hallarının sayı çoxdur və İrəvan hökuməti baş vermiş hadisədən ciddi şəkildə narahatdır. Məlumatlara görə, Ermənistan Müdafiə Nazirliyi bu yaxınlarda geniş kollegiya iclası keçirib. Müdafiə naziri Seyran Ohanyan həmin tədbirdə çıxışı zamanı bütün hərbçiləri ağır şəkildə təhqir edərək, onlardan daha ayıq olmağı tələb edib. Məlumatlarda o da iddia olunur ki, Ohanyan bir Azərbaycan əsgərinin təkbaşına belə bir hadisə törətməsinin qarşısını almağa gücləri çatmayan generallardan istefa vermələrini tələb edib. Ardından isə 2 erməni general ordu sıralarından istefa verdiyini açıqlayıb. Nəzərinizə çatdıraq ki, bu artıq rəsmi qaydada təsdiqlənmiş faktdır. Həmçinin o da məlumdur ki, təkcə iki general yox, daha 8 yüksək çinli erməni zabit idə ordudan qovulub. Bundan başqa, Mübariz İbrahimovun ərazisinə daxil olduğu hərbi hissənin komandirinin isə yaxın günlərdə həbs olunacağı gözlənilir. Bu əsnada başqa bir məsələni də diqqətnizə çatdırmaq yerinə düşərdi. Belə ki, ermənilər iyunun 19-dan bəri Mübariz İbrahimovun nəşinin onlarda olmadığını iddia edirlər. Lakin yayılmış son fotoşəkillərdən tam aydın oldu ki, düşmənlər Milli Qəhrəmanımızın nəşini əllərində girov saxlayıblar. Bunu növbəti dəfə inkar edən ermənilər vəziyyətdən çıxmaq üçün başqa bir bicliyə əl atmağa çalışıblar ki, onun da effektiv olmadığı üzə çıxıb. Bu yaxınlarda Azərbaycan telekanallarında da yayılmış videogörüntülərdən belə məlum olur ki, Mübariz İbrahimov guya, səngərdə vurulub. Halbuki fotoşəkillərlə videoçəkilişlər arasında ciddi fərqlər var və bu onu göstərir ki, erməni tərəfi bir sıra hiyləli planlarını həyata keçirmək istəyir. Həmin hiyləli planlardan biri də odur ki, əsl həqiqət üzə çıxarsa, Ermənistanın öz içində ciddi problemlər yaşana bilər. Həmçinin beynəlxalq təşkilatlara da göstərməyə çalışırlar ki, Azərbaycan əsgəri onlara hücum edərək, döyüşdə ölüb və onun nəşi erməni tərəfində deyil. Əslində, ermənilərin bu hərəkəti onların necə şərəfsiz və alçaq bir millət olduqlarını bir daha təsdiqləyir. Müharibə qanunlarına görə, döyüşdə həlak olmuş əsgərlərin döyüş sahnəsindən götürülməsi qadağan deyil. Hətta bunun üçün atəşkəs belə elan olunur. Amma ermənilər insanlığa yaraşmayan və insanlıq üçün qara ləkə olduqlarından Milli Qəhrəmanızımın nəşini belə vermək istəmirlər və onu gizlətməyə çalışırlar. /“Nonsens”/