GünAzTv: 2 həftə sonra Ermənistanın buğda ehtiyatı tükənir. Amma onlar ölkə ictimaiyyətinin fikrini yayındırmaq üçün ən çox Azərbaycanın zərər çəkəcəyini iddia edirlər.

Dünyada buğdanın bahalaşması Ermənistanı çətin vəziyyətə salıb. Xüsusən də Rusiya hökumətinin buğda ixracatını müvəqqəti olaraq yasaqlaması vəziyyəti daha da qəlizləşdirib. "News.am"ın məlumatına görə, Kremlin həmin qərarından sonra Rusiyadan buğda alan ölkələrin hamısında (İran istisna olmaqla) çörəyin qiymətinin qalxacağı gözlənilir. Hətta Ermənistanın tanınmış iqtisadçıları öz ölkələri də daxil olmaqla bölgə dövlətlərində vəziyyətə dair proqnozla çıxış ediblər. Dünya buğda istehsalçıları arasında 6-cı yerdə olan Türkiyə də Rusiyadan buğda alır. Hansı ki Türkiyədə buğda əkilən ərazilər 9 milyon hektardan artıq olub, Avstraliya və Kanadadakı əkin sahələrindən böyükdür (Türkiyədə ildə 20 milyon tona yaxın buğda, təxminən 7 - 8 milyon ton arpa yığılır). Ancaq Türkiyə çörək istehlakında rekorda imza atıb, yəni hər bir Türkiyə vətəndaşı ildə 230 kq çörək yeyir. Avropa ölkələrində isə bu göstərici 50 kiloqramdır. Erməniləri təlaşlandıran isə başqa bir faktdır. Onlara görə, Türkiyə buğdanın hər tonu üçün Rusiyaya 201, Ermənistan isə 250 dollar verir. Türkiyənin kənd təsərrüfatı naziri Mehdi Ekər ilin ilk yarısında ölkəsinin buğda ehtiyatının 2,2 milyon ton kəsirli olduğunu, amma bunun qətiyyən problem yaşatmayacağını bildirib.Gürcüstanda da eyni cür böyük ölçüdə buğda qıtlığı yaranıb. Hətta bu ölkədə vəziyyət Ermənistandakından daha pisdir. "News.am"a görə, Gürcüstanda ildə 800 min ton buğda istehlak olunur və bunun da 85 faizi xaricdən alınır. Ermənistanda isə yerli buğda tələbatı cəmi 35 faiz ödəyir. Tbilisi ilə Moskva arasında diplomatik əlaqələrin olmaması üzündən Rusiya bu son məlum embarqoya qədər Gürcüstanın əsas buğda təminatçısı idi. İndi isə Gürcüstanın öz tələbatını Qazaxıstan və Ukraynadan idxal hesabına ödəyir. Hazırda Tbilisi tələbatın 50 faizini daxili məhsul hesabına ödəmək üçün əkin sahələrini artırmaq qərarına gəlib. Yeri gəlmişkən, Gürcüstanda buğda əkinləri Ermənistandakından 132 min hektar daha artıq olsa da, məhsuldarlıq azdır.Buna baxmayaraq Gürcüstan hökuməti Ermənistandan fərqli olaraq taxılın və taxıl məhsullarının qiymətini artırmayıb. "News.am"ın məlumatına görə, Azərbaycanda tamamilə fərqli mənzərə hakimdir. Məlumata görə, guya, Azərbaycanda bu il keçən illə müqayisədə taxıl sahələri 20 dəfə azaldığından məhsul bahalaşıb və bu səbəbdən də ölkə buğda istehsalından vaz keçib. İran isə böyük miqdarda buğda əkinlərinə sahib ölkədir. Rəsmi Tehran yerli istehsalçıları qorumaq üçün xaricdən gətirilən buğdaya 46 faiz vergi tətbiq edib. Ona görə də yerli fermerlər daha çox məhsul toplamağa həvəsləniblər ki, nəticədə də keçən il ölkə 100 faiz öz məhsulu hesabına yaşayıb. İran hətta qonşu ərəb ölkələrinə də buğda satıb. Bu il isə İranda 15 milyon ton buğda istehsal olunacaq ki, bunun da 2 milyon tonu ixrac ediləcək.İqtisadçıların Ermənistan barədə proqnozları isə daha acınacaqlıdır. Ölkənin Mərkəzi Bankının keçmiş sədri, Erməni Milli Konqresinin (EMK) üzvü Baqrat Asatryan bildirib ki, Rusiya hökumətinin müvəqqəti olaraq buğda ixracatını dayandırması heç bir məntiqə söykənmir: "Dünya Putinin bu addımından sonra nə olacağını qorxuyla gözləyir" deyən EMK üzvü bu qərarın Emənistana nə kimi təsir göstərəcəyinə dair şərh vermək istəməyib. Buna baxmayaraq o, vəziyyətin gözlənildiyindən daha ağır olacağını təxmin etdiyini deyib. Asatryanın fikrincə, erməni iqtisadçılar qonşu Azərbaycanın, İranın və sair dövlətlərin gələcəyinə dair proqnozlar verincə, öz xalqlarını gözləyən fəlakəti açıqlasalar, daha yaxşı olardı. Onun sözlərinə görə, Ermənistan hökumətinin cəmi 2 həftəlik buğda ehtiyatı var. Hansı ki beynəlxalq qaydaya görə, hər bir dövlətin ən azı 100 gün bəs edəcək qədər buğdası olmalıdır.qaynar