GünAzTv: Fars rejimi ölkəmiz haqqında mənfi rəy yaratmaq üçün qərəzli süjet xətti olan kinofilmlərin istehsalını genişləndirib.Bir-iki gün əvvəl yayılan məlumata görə, azərbaycanlı aktrisa Xalidə Quliyeva İran kinomatoqrafçılarının çəkdiyi "Səkkizinci göy" bədii filmində əsas rollardan birini ifa edib. GünAzTv mətbuat mərkəzinin “xalq cəbhəsi” qəzetinə istinadən yaydığı məlumata görə, Aktrisa özü yerli mətbuata bildirib ki ssenari xüsusi olaraq onu nəzərdə tutaraq yazıldığından yaratdığı baş qəhrəmanın də adı Xalidədir. Filmin süjet xətti maraqlıdır. Azərbaycandan bir qadın iki övladı ilə İrana ziyarətə gedir. Orada təsadüfi hadisə nəticəsində oğlu xəstəxanaya düşür. Bütün hadisələr bundan sonra başlayır, filmin süjet xətti açılır: "Ekran əsərinin ideyası budur ki, insanlar bir-birinə yaxınlaşsa, kömək etsə, əl uzatsa, dayaq dayansa dərdlər, problemlər də olmaz". Ssenari müəllifi və rejissoru Həsən ağa Nəcəfinin olduğu filmin premyerası Tehranda baş tutacaq. Bu, Xalidə Quliyevanın İran kinematoqrafçılarıyla ikinci işbirliyidir.Xatırladım ki, 2-3 il əvvəl İran kinorejissorlarının Azərbaycanla bağlı hansısa oxşar süjetli film çəkdiyilə bağlı məlumatlar yayılmışdı. Həmin məlumatlarda qeyd olunan filmin süjetinin "Səkkizinci göy" bədii filminin süjet xəttinə bənzədiyi əksini tapmışdı. Guya İran vətəndaşına atəş açan Azərbaycan sərhədçisi hərbi xidmətdən sonra müalicə üçün Tehrana gedir. Orada atəş açdığı adamın yaxını sərhədçimizi müalicə edir və s. Filmin çəkilişindən xəbər tutan güneyli soydaşlarımızın hələ o zaman qəzetimizə məlumat vermişdilər ki, süjet xətti Azərbaycan dövlətinin, Dövlət Sərhəd Xidmətinin, sərhədçilərimizi, ümumiyyətlə, azərbaycanlıların əleyhinə yönəlib. Əldə etdiyimiz məlumatlara görə, həmin filmdə müxtəlif formalarda Azərbaycan Respublikasının vətəndaşları aşağılanır, cəmiyyətimiz yalnız qara yöndə təqdim olunur. Azərbaycanın dünyaya inteqrasiya, normal dövlət və cəmiyyət qurmaq siyasətinə iztehza edilir və s. Guya Qərbin müəyyən dairələrinin dəstəyilə 1979-cu ildə hakimiyyətə gələnlərin din adı altında qurduqları anormal cəmiyyət mənəvi cəhətdən Azərbaycan cəmiyyətindən yüksəkdə durur. Guya iki yüz illik imperiyadan qurtulmuş, yeni və müasir cəmiyyət quran Azərbaycan Respublikası İranın şovinizm və yalan xəstəliyinə düçar olmuş, çürüməkdə olan cəmiyyətindən geridədir. Bəs, belə filmlərin ortaya çıxmasının səbəbi nədir? Fikrimcə, özlərinin yalançılıqları, qaniçənliyi, xalqa divan tutmasıyla bolşevik-kommunistlərdən heç nəylə fərqlənməyən fars-teokratik quruluşu qonşuluğundakı dövlətlərdə normal cəmiyyət quruculuğundan əndişələnir. Çünki Azərbaycan Respublikasının demokratikləşməsi, sosial- rifah dövlətinə çevrilməsi, milli problemlərini həll etməsi İrandakı diktatura-teokratik rejimin maraqlarına ziddir....Azərbaycan torpaqlarının işğalı üçün qriqoryan Ermənistana birbaşa yardım göstərən "müsəlman" fars rejiminin məqsədi Azərbaycan türklərinin torpaqlarının zəbt olunmasına çalışmaqla yanaşı, bütövlükdə, cəmiyyətimizin dünyaya inteqrasiyasına, demokratikləşməsinə mane olmaq istəyir. Fars-teokratik rejimi düşünür ki, işğal faktı Azərbaycanı bir cəmiyyət olaraq inkişafdan qoyacaq. Fars rejimi qorxur ki, tarixi-milli torpaqlarımızın kiçik bir hissəsində öz dövlətçiliyini bərpa edən Azərbaycan Respublikası cəmiyyəti İranda, tarixi ərazilərimizdə yaşayan 35 milyon Azərbaycan türkünə mənəvi dayaq olacaq. Bu isə tarixin gedişini, regiondakı proseslərin inkişafını dəyişəcək. Azərbaycan cəmiyyətinin bütün bölgənin xalqları üçün mənəvi zirvə, inkişaf mərhələsi olmaq potensialı kifayət qədər çoxdur. Məhz buna görə də Rusiya kimi avtoritarlaşan dövlət, İran kimi teokratik-diktatura dövləti, Ermənistan kimi qondarma işğalçı dövlət torpaqlarımıza, millətimizə düşməncəsinə yanaşmaqdan əl çəkmir. ...Öz vətəndaşlarını dünya üzünə həsrət qoyan, bütün xalqları əzən teokratik (elə şah rejimi də) rejim öz "dövlətçiliyini" fars şovinizmi, türkə qarşı düşmənçilik üstündə qurur. Guya türkə qarşı düşmənçilik "fars dövlətçiliyini" qoruyacaq, xilas edəcək. Artıq 90 ildir ki, İranda hakimiyyəti ələ keçirən fars şovinizmi türkə düşmənçilik hissləriylə hərəkət etdiyindən azğınlaşıb, öz farslarına da qan uddurur. Elə "yaşıl hərəkat"a qanlı münasibət bunun bir nümunəsidir. "Yaşıl hərəkat"ın məğlubiyyətinin əsas səbəbi isə özlərini "demokratik mübariz" kimi qələmə verən fars-manqurt liderlərin Azərbaycan türklərinə şovinist (mollalar, şahpərəstlər kimi) münasibət bəsləmələridir. Guya Azərbaycan türklərini əzdikcə, sındırdıqca, həbs etdikcə farslar xoşbəxt olacaq? Guya qroqoryan Ermənistana birbaşa dəstək verib müsəlman Azərbaycanın torpaqlarını işğalın dəstək verəndə farslar xoşbəxt olacaq? Xeyr! "Xalqlar həbsxanası" olan Çar Rusiyasının, Sovet İttifaqının taleyi göz önündədir. Hətta İranın söydüyü Britaniya, Fransa kimi dövlətlər belə şovinizmdən imtina etməyə çalışırlar. Fars şovinizmi isə hələ də türk düşmənçiliyi üzərində yaşayır. İran əhalisinin yarısını təşkil edən türklərə qarşı bu münasibət orta əsrlərin vandalizmindən, qəsbkarlığından fərqlənmir. İndi də fars rejimi nüvə proqramını inkişaf etdirməkdən dəm vurur. Bu proqramın əsas məqsədinin nüvə silahı əldə etmək olması niyyəti aydındır, ortadadır. Amma başqa bir mühüm məsələ var. Türk düşmənçiliyi, öz xalqına qarşı qəzəb, din adı altında anormal bir ideologiya üzərində duran fars şovinizmi hansı ağılla bu nüvə proqramını idarə edəcək? Axı nüvə proqramları insanın ağlının inkişafı, insan azadlığıyla sıx bağlı olan bir proqresdir. İnsan azadlığı olmayan bir ölkədə nüvə proqramı necə inkişaf edə bilər? Bolşevik SSRİ nüvə silahı əldə etdi, nə oldu? Hakimiyyətdən getmədi? Nüvə proqramı və ya nüvə silahı İranın fars-molla rejiminin uzun illər ərzində hakimiyyətdə qalmasını təmin etməyəcək. Vallah, billah...Nüvə proqramının inkişafı üçün din adı altında yaratdığınız qondarma ideologiyadan imtina edib insan azadlığına imkan vermək lazımdır. Qondarma, yalançı, "inqilab ixrac edən", terroru himayə edən bir rejim hər hansı nüvə proqramını inkişaf etdirib, Almaniya, Fransa, ABŞ səviyyəsinə çatdıra bilməz. Nüvə proqramının inkişafı üçün mütləq və mütləq azad insan dərrakəsi lazımdır. "Xalqlar həbsxanası" olan İran bölgənin böyük dövlətlərindəndir. Amma məsələ ondadır ki, bu böyüklük öz xalqını əzən, qonşu dövlətlərə və xalqlara fars şovinizmi müstəvisində baxan teokratik rejimin əlində bir puça çevrilib. Neft istehsalına görə dördüncü, qaz hasilatına görə birinci yerdə duran İran fars-teokratik rejiminin şovinizmi ucbatından dünya iqtisadiyyatında payı cəmi bir faizdir. Təkcə bu rəqəmi əsas gətirərək, son 30 ildə hakimiyyətə gələn teokratik rejimin necə bir fəlakət olmasını aydın şəkildə göstərmək mümkündür. Xəstə şovinizm öz problemlərini həll etmək əvəzinə qonşuları barədə yalan-palanla dolu filmlər çəkməklə də məşğuldur.Bu filmlərdə yalnız və yalnız bir məqsəd var: Azərbaycan əleyhinə, quzeyli-güneyli türklər əleyhinə rəy yaratmaq. Ona görə də premyarası Tehranda keçiriləcək filmin Azərbaycanın mənafeyinə, milli və sosial maraqlarının əleyhinə yönəldiyini indidən iddia etmək mümkündür. İranı fars-teokratik rejiminin kinorejissorlara, kino sənətinə münasibəti "yaşıl hərəkatı" dəstəkləyən azərbaycanlı rejissoru həbs edərkən aydın göründü. Neçə-neçə İran kinorejissorları fars-teokratik rejiminin qəzəbinə düçar olaraq Avropada, ABŞ-da yaşayır. Onların çəkdikləri filmlər Qərbin ən yüksək mükaftlarına layiq görülsələr də Tehrana gələ bilmirlər, çünki onları "Ettellat"ın həbsxanalarında iəşgəncələr və qondarma ittihamlar gözləyir. Son illərdə İran Azərbaycan əleyhinə bir neçə film çəkib. Çox təəssüf ki, nə kino ictimaiyyəti, nə də hər hansı rəsmi struktur belə anti Azərbaycan filmlərinə mənfi reaksiyasını ortaya qoymayıb. Ehtimal ki, "Səkkizinci göy" bədii filmi də millətimizin, dövlətimizin əleyhinə olan filmlərdən biri olacaq. Məsələ orasındadır ki, bu filmləri biz görmürük. Həmin filmlər İranın öz daxilində göstərilir, bununla da Azərbaycana, azərbaycanlılara mənfi münasibəti stimullaşdırmağa cəhd gstərilir. Bizim bəxtimiz onda gətirir ki, İran əhalisi fars-teokratik rejiminin heç bir sözünə, filminə, kinosuna inanmır...Ancaq həmişə bəxtə güvənmək olmaz. Yaxşı olardı ki, İranın sistemli şəkildə Azərbaycan əleyhinə film istehsalının qarşısının alınması üçün tədbirlər görüləyədi, yaxud, geniş ictimai qınaq kampaniyası həyata keçiriləydi.