GünAzTv: Bu ilin sentyabrından 2011-ci ilin fevralına qədər  Almaniyanın Rheinland-Pfalz əyalətinin Speyer muzeyində Amazon sərgisi açılacaq.

 Beynəlxalq tədqiqatçıların birgə iştirakı ilə hazırlanmış sərgidə son illərin arxeoloji tapıntıları dünyaya ilk dəfə sərgilənəcək. Məqsəd Amazonların əfsanə deyil, əsl mübariz bir qadın toplusu olduğunu sübut etməkdir. Sərgi təşkilatçıları sensasiyaya səbəb olacaq yeni tapıntıların ilk dəfə olaraq sərgi iştirakçılarına nümayiş etdiriləcəyinə əmindirlər.  Şərqi Avropadan Sibirə qədər olan bir ərazidə son elmi, arxeoloji tapıntılar, Şpeyer Muzeyinin yazılı yaydığı xəbərə görə (istinad vacibdir)Altay dağlarından, Yunanıstandan əldə edilmiş materiallar sərgidə nümayiş olunacaq. Sərgiyə Avropanın və Mərkəzi Asiyanın bir çox muzeylərindən borc alınmış eksponatlar da daxil edilib.

Qeyd edək ki, amazonların Qafqazda ilk tədqiqatçısı Nuridə Atəşi 15 illik tədqiqatlarından sonra amazonların ilk yaşayış  yerlərinin Qafqaz olduğunu, YUNESCO mədəni irsinə aid olan Qobustanın Ana  zağa mağarasının onların ilkin yaşayış yerləri olduğunu, Amazon silahları hesab edilən dəmir-tunc təbərzin baltaların ilk dəfə Qafqazda istehsal olunduğunu, Qafqaz Albaniyasının qədim torpaqları- Dərbənd, Qəbələ, Oğuz, Zaqatala, Qax , xüsusi ilə Qarabağ bölgələrinin amazonların yaşamış olduqları ilkin doğma torpaqları olduğunu

 və digər sensasiyalı tezislərlə çıxış etmişdir. Nuridə Atəşi tədqiqatlarının nəticəsini Azərbaycan elminə 11.08.2009 cu ildə Bakıda kecirdiyi mətbuat konfransında açıqlamış və Azərbaycan Milli Akademiyasının Prizidiumuna  bir neçə müraciətlər ünvanlamışdır. Hazırda araşdırmaları üzərində 8 ölkədə gərgin işləyən tədqiqatçı bütün dünyaya Amazonların ilk vətəninin Qafqaz olduğunu və bu günkü Azərbaycan qadınlarının amazonların birbaşa varisləri olduqlarını  tarixi, etnoqrafik və arxeoloji faktlarla isbat edə biləcəyində israrlıdır.

N.Atəşi dünyanın ciddi arxeoloqlarının artıq amazonların bir mifalogiya deyil əsl bir tarix olduqları faktı ilə razılaşdıqları halda bəzi Azərbaycan alimlərinin bu faktı hələ qəbul edə bilmədiklərindən narahatdır. O deyir: «Dünyada hazırda öz müstəqilliklərini yenicə qazanan bir çox ölkələr özlərinə yeni tarix düzəltmək, əsl tarixlərini saxtalaşdırmaq, təhrif etmək bir sözlə yeni tarix yazmaqla məşğuldurlar. Bu cür cəhdlər ciddi dünya elmi tərəfindən rədd edilir, onların alimləri və saxta elmləri qəbul edilmir. Bu Azərbaycana birbaşa şamil edilməsə də Azərbaycanın qədim tarixinə yeni yamaq yamanmasına qətiyyən ehtiyacı yoxdur. Qafqazın ilk tarixini yazan Moisey Kalankatuklu  Azərbaycanın qədim adlarını çəkərkən bu ölkənin Atropateniya, Albaniya və Amazoniya dlandığını yazmışdır. Son 50 il ərzində Qafqazda aparılmış tarixi, etnoqrafiq, arxeoloji tədqiqatların əsasında amazonların qafqaz qadınları olduqlarını dünyaya sübut etmək mümkündür. Hazırda Avropa  ölkələri Azərbaycanın elminin inkişafında rol oynayan müştərək lahiyələrə yetərincə vəsait ayırır. Eyni zamanda  Azərbaycan hökuməti də həmçinin, elmi tədqiqatlara və xüsusi ilə ölkədə aparılan arxeoloji qazıntılar üçün yetəri qədər maddi vəsait ayırır.»

 Bu anlamda Nuridə Atəşi Azərbaycan tarixçilərini, xüsusən arxeoloqları indiyə qədər tarixin qaranlıq guşələrinə işıq tutacaq bu tədqiqata öz obyektiv töhvələrini vermələrini arzuladı və onları tarixin bu günkü səhifəsinin yazılmasında məsulliyyət daşıdıqlarını, ehtiyatlı, ədalətli və obyektiv olmalarını arzulayır.