GünAzTv: Qurulacaq xüsusi ordu antiterror əməliyyatlarını xüsusilə İran və İraq sərhədindəki bölgələrdə həyata keçirəcək və terror təşkilatı PKK ilə öz üsullarıyla döyüşəcək.

Türkiyədə kürd yaraqlıları ilə mübarizə üçün xüsusi peşəkar hərbi bölmə yaradılır. Bu barədə Türkiyə Müdafiə Nazirliyi məlumat yayıb. Müdafiə naziri Vecdi Gönülün sözlərinə görə, adıçəkilən peşəkar bölməyə cəlb olunacaq hərbçilər 10 ilə qədər xidmət edəcəklər. GünAzTv mətbuat mərkəzinin “Azadlıq” qəzetinə istinadən yaydığı məlumata görə, Onların başlıca vəzifəsi İraqla dövlət sərhədinin mühafizəsi olacaq. Məhz bu ərazidən İraqdakı kürd yaraqlıları Türkiyə ərazisinə qarşı terror aktları həyata keçirirlər. Vecdi Gönül qeyd edib ki, Müdafiə Nazirliyi hazırda bu məsələnin hüquqi aspektləri üzərində iş aparır. Qeyd olunur ki, kürd yaraqlıları ÿilə mübarizə üçün xüsusi təyinatlı hərbi bölmənin yaradılması ideyası çoxdan gündəmdədir. Bir çoxları hesab edir ki, nizami ordunun bu cür xususi əməliyyatlar aparmaq imkanı olmadığından qarşıya qoyulan vəzifələrin öhdəsindən gələ bilmir. Türkiyə Silahlı Qüvvələrinin Baş Qərargah rəisi Ilkər Başbuğ xüsusi ordu ilə bağlı təkliflər paketini artıq baş nazir Rəcəb Tayyib Ərdoğana təqdim edib (modern.az).Baş nazir Ərdoğan məsələ ilə bağlı Başbuğu qəbul edib və onların görüşü iki saatdan çox sürüb. Silahlı Qüvvələrin Baş Qərargahının hazırladığı plana görə, kürd yaraqlıları ilə müharibəyə gedəcək əsgərlər rütbə almayacaqlar, mütəxəssis hərbçi statusunda vəzifə yerinə yetirəcəklər. Qurulacaq xüsusi ordu antiterror əməliyyatlarını xüsusilə Iran və Iraq sərhədindəki bölgələrdə həyata keçirəcək və terror təşkilatı PKK ilə öz üsullarıyla döyüşəcək. Xüsusi ordunun əsgərləri 10 il vəzifə başında qalacaq, ən çox da 32 yaşına qədər xidmət edəcəklər. Daha sonra vəzifədən ayrılacaq həmin hərbçilər Baş Qərargahda, ya da cəmiyyət quruluşlarında xüsusi işlər görəcəklər. Bu birliklərdə vəzifə alacaq əsgərlərin maaşları isə yüksək olacaq. Əsgərlər xidmət etdikləri hər il üçün də böyük məbləğdə təzminat alacaqlar. Şəhid olduqlarında da ailələrinə böyük təzminat veriləcək. Xüsusi təhlükəsizlik güclərinin yaradılmasına 1-2 ay içində başlanılacağı bildirilir. Əldə edilən məlumata görə, 2011-ci ilin sonuna qədər kürd yaraqlıları olan bölgədə 10 min peşəkar türk hərbçisinin vəzifələndirilməsi və onların sayının 2013-cü ilə qədər 20 minə çatdırılması hədəflənir.Baş nazir Ərdoğan “biz artıq terrorçulara qarşı heç vaxt müdafiə mövqeyi tutmayacaq, hücuma keçəcəyik”, - deyib.Bu arada Türkiyə mətbuatı, bu ölkədə, Əl-Qaidə üzvlərinin həbsi ilə bağlı geniş əməliyyatların keçirildiyi barədə məlumat yayıb.Faktxeber.com-un verdiyi məlumata görə, Türkiyə təhlükəsizlik orqanları, Istanbul, Adana, Antalya və Çanaqqala şəhərlərində genişmiqyaslı əməliyyat keçirərək “Əl-Qaidə”nin 29 üzvünü həbs etməyə nail olub. Türkiyə polisinin yaydığı məlumata əsasən, əməliyyat zamanı həbs edilmiş şəxslərin yaşadığı mənzillərdən külli miqdarda silah-sursat və partlayıcı maddə aşkar edilib.Türkiyə polisi bu il 180-ə kimi “Əl-Qaidə” üzvünü zərərsizləşdirməyə müvəffəq olub.PKK liderlərindən olan Murad Karayilan isə Türkiyə hökumətinin “atəşkəs razılaşmasını pozduğunu”, PKK-nın Iraqdakı bazalarına zərbələr endirildiyini söyləyib: “Odur ki, bizim başqa yolumuz qalmır”.“PKK-nın yeni hədəfi hərbi patrullar və ya bazalar yox, iri şəhərlər olacaq. Xüsusilə ölkənin qərbində turistlər və biznesmenlər arasında məşhur olan şəhərlər hədəfdədir”, - deyə Karayilan bildirib.O, yaxın vaxtlarda PKK-nın Türkiyənin kürdlər yaşayan cənub-şərq hissəsini “demokratik müxtariyyət” elan edəcəyini də söyləyib.