GünAzTv: Tehranda çıxan "İran" rəsmi dövlət qəzetində 2006-cı ilin mayında Azərbaycan türklərini aşağılayan karikatura çap edilmişdi. Bu şəklin müəllifi Mana Neyistani adlı iranlı idi. "İran"ın fars şovinist mövqeyinə Azərbaycan türkləri o vaxt sərt etiraz etdi. Həmin etiraz aksiyalarını Tehran hakimiyyəti gülləbaranla qarşıladı. 20 nəfərdən çox dinc aksiya iştirakçısı həlak oldu. Etiraz çıxışlarında tutulanların bir çoxunun məhkəmə prosesi hələ də davam edir.Türklər qəzetin qapadılmasını, bu materialın çapında iştirak edənlərin cəzalandırılması tələblərini irəli sürürdü. İran rəhbərliyi vəziyyətdən çıxış yolu kimi Mana Neyistaninin ölkədən çıxaraq, Dubaya getməsinə şərait yaratdı. Qəzet bir neçə aylığa qapadılsa da, nəşri tezliklə bərpa olundu.Bir iş var ki, hakimiyyətə qarşı məqalə ilə çıxış edən qəzetlər qapandıqdan sonra illərlə işıq üzü görmür, bu mətbuat orqanlarının məsulları barəsində cinayət işi açılır. Yaxud Avropanın hansısa şəhərində müsəlman olmayan bir şəxs İslam müqəddəslərinə qarşı material çap edəndə İslam Respublikasının rəhbərliyi elələri haqda qiyabi ölüm hökmü çıxarır. Ancaq "İran"dakı həmin materialın müəllifi və qəzetin məsulu hakimiyyət tərəfindən adekvat şəkildə cəzalandırılmadı.Güney Azərbaycanlı türklərin heyrətiBu günlərdə isə bəlli olub ki, Mana Neyistani kimi şovinist və irqçi müəllif Karikaturaçıların Hüquqlarını Müdafiə Beynəlxalq Şəbəkəsinin "Şücaət" medalı ilə təltif edilib. Bu hadisə İranın türk ziyalılarında heyrət doğurub. İranda Azərbaycanlı Siyasi Məhbusların Hüquqlarını Müdafiə Komitəsinin icraçı rəhbəri Faxtə Zamani şəbəkənin icraçı katibi doktor Robert Rasselə etiraz məktubu ünvanlayıb:"Azərbaycan türklərinin əleyhinə çəkdiyi irqçi və aşağılayıcı karikaturasına görə Mana Neyistaniyə sizin medal verməyiniz dünyanın çeşidli ölkələrində yaşayan milyonlarla azərbaycanlı kimi bizi də heyrətləndirib.Cəmiyyətimiz irqçiliyə qarşı və insan şəxsiyyətinə hörmət edilməsi uğrunda mübarizə apardığı bir şəraitdə siz ona "Şücaət" medalı vermisiniz.İranda Siyasi Məhbusların Hüquqlarını Müdafiə Komitəsinin qənaətincə, qurumunuz tərəfindən Mana Neyistaniyə belə bir mükafatın verilməsi İran hakimiyyətinin ölkədəki fars olmayanlara nifrət aşılayan rəsmi təbliğatının dəstəklənməsi anlamına gəlir"."butovazerbaycanbirliyi"nə istinadən məlumatda bildirilib: "2006-cı ilin fevralında Tehranda çıxan rəsmi dövlət qəzeti "Həmşəhri" insanlıq tarixində acınacaqlı bir hadisəni (Hitler Almaniyasının yəhudiləri soyqırım etməsini, Holokost faciəsini - S.S.) lağa qoyub, unutdurmaq üçün "Beynəlxalq Holokost Karikatura Müsabiqə"si elan etdi.Bir müddət sonra, həmin ilin mayında "İran" qəzeti türkləri tarakana oxşadan bir karikatura çap etdi. Qəzetin türklər barəsində işlətdiyi ifadəni Ruandada soyqırım törədənlər qırılan etnik qrup barəsində işlətmişdi".Məktubda Faxtə Zamani bildirib: "Bu karikatura iranlı uşaqlara "insan dilini" (fars şovinistləri farscanı belə adlandırır) bilməyən "böcək"lərə (həmin karikaturada türklər nəzərdə tutulur) qarşı aqressiv olmağı, onları məhv etməyi aşılayır". Qurumun icraçı rəhbəri belə bir davranışın faşist Almaniyası tərəfindən gerçəkləşdirildiyini yada salaraq vurğulayıb:"Azərbaycan türkləri sayca İranda ən böyük etnosdur. Ancaq on illərdir onlar milli mənsubiyyətinə, eləcə də dil və mədəniyyətinə görə ayrı-seçkiliyə məruz qalır, İran hakimiyyəti tərəfindən qurulan və ya dəstəklənən təbliğat maşını vasitəsi ilə aşağılanır, mədəniyyətsiz kimi təqdim olunurlar."Həmşəhri" qəzetinin bəhs etdiyimiz çağırışından sonra 2006-cı ilin avqustunda dünya Tehrandakı sərgidə Holokostun inkarını təbliğ edən tədbirin şahidi oldu. Biz dünya ictimaiyyətinin diqqətinə çatdırmaq istəyirik ki, Mana Neyistani İran hakimiyyətinin yaydığı irqçilikdən qaynaqlanan, onun təsiri altında olanlardandır. Bu təbliğatın təsiri altında olanlar Azərbaycan türklərini aşağılamaq məqsədi daşıyır".Hüquq müdafiəçisi bildirib ki, milyonlarla insanı milli mənsubiyyətinə görə aşağılayan bir siyasi-ideoloji düşüncəni təbliğ edənlərin "şücaət"li olması mümkünsüzdür:"Cənab doktor Rassel, İran hakimiyyətinin bütün mətbuata tam nəzarət etməsindən siz xəbərsiz ola bilərsiniz, ancaq qurumunuzun idarə heyətinin üzvü, İranda hakim fars şovinizminin təmsilçisi Nikahəng Kövsəri bu məsələni daha yaxşı dərk edir. Məqsədimiz yalnız ədalətsizlikləri sübut etməkdir. Mükafatla bağlı qərarınız da ədalətsizliklərdən biridir.İranda Azərbaycanlı Siyasi Məhbusların Hüquqlarını Müdafiə Komitəsi söz azadlığının müdafiəçisidir. Ancaq zülmə məruz qalmış hər bir topluma qarşı nifrət və irqçiliyin təbliği söz azadlığına ziddir...Biz Karikaturaçıların Hüquqlarını Müdafiə Komitəsi Beynəlxalq Şəbəkəsindən tələb edirik ki, Mana Neyistaniyə 2010-cu ilin "Şücaət" medalının verilməsi haqda qərarını ləğv etsin. Bu halda şəbəkəniz özünün sülhsevərliyini, insan haqlarına hörmətlə bağlı öhdəliyini yerinə yetirdiyini və məqsədlərinə çatmaq üçün nifrət aşılayanları himayə etmədiyini göstərmiş olar".İsveçdəki "Azər" Cəmiyyətinin sədri doktor Manaf Səbəbi də Robert Rasselə etiraz müraciəti ünvanlayaraq bildirib ki, Mana Neyistani sizin mükafata layiq deyil və onun İranda təhlükə altında yaşaması ilə bağlı saytınızdakı məlumat həqiqəti əks etdirmir:"Bildirmək istərdik ki, bu mükafat və davranışla siz şovinist düşüncəli farsları İrandakı 30 milyonluq Azərbaycan türkünə təhqiredici yazılar yazmağa təhrik edirsiniz. Bu qərarınızla sanki siz belələrini mükafata layiq görəcəyinizi bəyan edirsiniz. Ümid edirik ki, siz bu qərarın yanlış olduğunu anlayacaq və qərarınızı dəyişəcəksiniz". S.Sədrəddin