İsrail və Qətər ordu komandirləri İranın törətdiyi təhlükələri müzakirə ediblər

SON XƏBƏRLƏR

İsrail və Qətər ordu komandirləri İranın törətdiyi təhlükələri müzakirə ediblər

2022.03.12, 16:07

Gunaz.tv

İsrailin Baş Qərargah rəisi general Aviv Kuxavi Bəhreynə son səfəri zamanı əmirliyin yüksək rütbəli hərbi rəsmiləri ilə görüşüb və Qətər ordusunun baş qərargah rəisi Salim bin Məhəmm bin Aqil ilə İran pilotsuz təyyarələri ilə qarşıdurmanı müzakirə ediblər.

İsrail mediası və Səudiyyə Ərəbistanının “Elaf” saytının məlumatına görə, İsrail və Qətər ordusunun baş qərargah rəisləri arasında əsas mövzulardan biri İranın təxribatçı hərəkətlərindən irəli gələn təhlükələrin müzakirəsi olub.

Onlar İranın pilotsuz təyyarələrini izləmək və hücumlarına qarşı erkən tədbir görmək üçün Qətər ərazisində radarların quraşdırılmasının vacibliyini bildirib, bunun Bəhreyn, Birləşmiş Ərəb Əmirlikləri və Səudiyyə Ərəbistanı kimi bölgə ölkələrinin təhlükəsizliyi baxımından önəmli olduğunu qeyd ediblər.

Amerikanın Beşinci Donanmasının Bəhreyndəki qərargahında baş tutan görüşün İsrailin Körfəz əmirlikləri, İsrail və digər müttəfiqlərin koalisiyasının da daxil olduğu İran İslam Respublikasının regiondakı təxribatlarına qarşı “Körfəz NATO-su” adlı ittifaq yaratmaq səylərinin bir hissəsi olduğu bildirilir.

İsrailin keçmiş baş naziri Benyamin Netanyahu uzun müddətdir ki, koalisiyanı “Körfəz NATO-su” adlandırıb və Naftali Bennet hökuməti Körfəz əmirlikləri ilə əlaqələrini gücləndirərək bu məqsədə nail olmağa çalışır.

Qeyd edək ki, İsrail keçən ay Bəhreynlə açıq təhlükəsizlik sahəsində əməkdaşlıq müqaviləsi imzalayıb və Razılaşmaya əsasən, İsrail Hərbi Dəniz Qüvvələrinin nümayəndəsi daimi nümayəndəlikdə çalışmaq üçün Mənaməyə göndərilib. İsrailin müdafiə naziri deyib ki, əməkdaşlıq “ümumi təhdidlərə” qarşı birgə çıxmaq məqsədi daşıyır.

C.E

GUNAZ.TV

SON XƏBƏRLƏR