Kiyevdə vurulan Rusiya raketi binanı dağıtdı

SON XƏBƏRLƏR

Kiyevdə vurulan Rusiya raketi binanı dağıtdı

2022.03.17, 05:32

Gunaz.tv

"Martın 17-si səhər saat 05:02-də Xilasetmə Xidmətinə paytaxtın Darnitski rayonunda yaşayış binasında yanğının baş verməsi və dağılması barədə məlumat daxil olub. Dərhal hadisə yerinə yaxınlıqdakı yanğınsöndürənlər və xilasedicilər gəlib.

Hadisə yerinə gələn xilasedicilər müəyyən ediblər ki, raketin qalıqlarının yerə düşməsi nəticəsində 16-cı mərtəbədəki mənzildə yanğın baş verib.

Xilasedicilər yanğını söndürməyə müvəffəq olublar. 11-ci və daha yuxarı mərtəbələrdən mənzillərin sakinləri təxliyə olunub, tikililərin sökülməsi və insanların axtarışı üçün xilasetmə işləri aparılır", - qurumdan bildirilib.

İlkin məlumata görə, hadisə nəticəsində 3 nəfər xəsarət alıb, bir nəfər ölüb.

Bu arada Rusiya ordusu Ukraynada hücum əməliyyatlarını davam etdirir.

Bu barədə Ukrayna Silahlı Qüvvələrinin Baş Qərargahı məlumat yayıb.

Bildirilib ki, rus qoşunları Ukrayna ordusu tərəfindən sərt müqavimətlə üzləşib:

“Düşmən canlı qüvvə və texnikada xeyli itki verir.

Günün əvvəlindən Ukrayna Hərbi Hava Qüvvələrinin zenit-raket bölmələri Odessa bölgəsində iki Su-30SM təyyarəsini, Nikolayev yaxınlığında bir Ka-52 helikopterini və Çerniqov bölgəsində bir Su-34 təyyarəsini məhv edib. Düşmənin itkiləri ilə bağlı məlumatlar dəqiqləşdirilir”. (modern.az)

Ayxan

GUNAZ.TV

SON XƏBƏRLƏR