Prezident Medvedev: İran özünü yaxşı aparmır

SON XƏBƏRLƏR

Prezident Medvedev: İran özünü yaxşı aparmır

2021.10.20, 07:36

Gunaz.tv

GünAzTv: İran nüvə silahının yaradılması üçün potensiala malik olmağa yaxınlaşır. Bunu Rusiya prezidenti Dmitriy Medvedev bəyan edib.

Prezident habelə qeyd edib ki, Moskva Tehranı daha şəffaf siyasət yürütməyə və BATENA-yla əməkdaşlığa çağırır, ancaq "İran tərəfi özünü heç də yaxşı aparmır".

İranla bağlı bəyanatları Rusiya prezidenti Dmiteriy Medvedev Rusiyanın xaricdəki səfirləri və daimi nümayəndələri qarşısında çıxışında edib.

Prezident deyib ki, İranın nüvə problemi məsələsinə sadələşdirilmiş yanaşmadan imtina etmək lazımdır. İran, prezidentə görə, prinsipçə nüvə silahının yaradılmasında istifadə oluna biləcək potensiala yiyələnməyə yaxınlaşır.

Belə potensiala malik olma isə nüvə silahının yayılmaması müqaviləsinə zidd deyil və prezident Medvedevə görə, problemlərdən biri də elə budur.

Rusiya lideri sanksiyalar məsələsinə toxunaraq bildirib ki, adətən sanksiyalar istənilən nəticələrə gətirmir. Ancaq sanksiyalarda müəyyən məna da var - bu danışıq prosesini canlandırmaq üçün bir işarədir.

Dmitriy Medvedev bildirib ki, Moskva daima İranı daha şəffaf olmağa və BATENA-yla lazımi əməkdaşlıq səviyyəsini qurmağa çağırıb.

Bir çox moskvalı ekspertlərə görə, Rusiya İranla bağlı ritorikasını bir qədər sərtləşdirib. Təhlükəsizlik məsələləri üzrə ekspert Vladimir Yevsey mümkün səbəbləri belə görür:

"Əsas etibarıyla bu İranın öz rəhbərliyinin mövqeyiylə bağlıdır. İran rəhbərliyi son zamanlar Rusiyayla bağlı kifayət qədər sərt bəyanatlar verib.

İkincisi isə, əlbəttə, ABŞ-Rusiya münasibətlərinin yaxşılaşması da öz rolunu oynayır. Özüdə elə təəsurat yaranır ki, Dmitriy Medvedev Vladimir Putinə nisbətən daha sərtdir", deyir Vladimir Yevseyev.

Ekspertə görə, diplomatik səbəblər öz yerində, amma real şəkildə Rusiya getdikcə İranın doğrudan da nüvə silahına yaxın olmasından daha çox narahat olur. Beləki, Tehranın nüvə silahına malik olması Rusiyayla faktiki həmsərhəd bölgədə əhəmiyyətli dəyişikliklərə səbəb ola bilər.

Ümumən şərhçilərin mülahizələrinə görə, Rusiya İrana qarşı ABŞ-ın sərt yanaşmasını özü üçün bir elə məqbul saymır. Ancaq eyni zamanda İranı daha üzüyola etmək üçün özü müəyyən təyziq göstərir ki, nüvə proqramı məsələsi ifrat şəkildə mürəkkəbləşməsin. bbc

GUNAZ.TV

SON XƏBƏRLƏR