Contact Us

SON XƏBƏRLƏR

Obama bir daha Türkiyənin əhəmiyyətini vurqulayıb

2021.10.20, 07:36
Obama bir daha Türkiyənin əhəmiyyətini vurqulayıb

Gunaz.tv

GünAzTv: ABŞ (Amerika Birləşmiş Ştatları) prezidenti Barak Obama “Türkiyə Avropa Birliyinə qəbul edilməlidir” deyə vurqulayıb. O bu prosesin ləngiməsinin əleyhinə çıxıb.

“Türklər özlərini Avropa ailəsinin bir parçası kimi hiss edirlər. Ancaq hələ də Avropa Birliyinə qəbul ola bilməyiblər. Belə olan halda ittifaq və birlik məqsədi ilə başqa tərəflərə baxmaqları başadüşüləndir. Fikrimcə, Türkiyə Avropa Birliyinə tam olaraq üzv qəbul edilməlidir”. İtaliyanın “Corriere della Sera” qəzetinə Ağ evdə müsahibə verən ABŞ prezidenti Barak Obama belə deyib. Qəzetin ənməkdaşı Paolo Valentino isə iddia edib ki, Türkiyə son vaxtlar İsraillə yaşadığı sıxıntılardan və BMT-də İrana qarşı qəbul edilən sanksiyaların əleyhinə səs verdikdən sonra Qərb tərəfindən qəbuledilməz bir ölkə olub. Obama isə “Türkiyə Qərblə Şərqin kəsişmə nöqtəsində yerləşən, strateji baxımdan son dərəcə önəmli olan bir ölkədir” deyə cavab verib.ABŞ prezidenti əlavə edib: “Türkiyə NATO-nun müttəfiqidir. İqtisadi yöndə böyük sıçrayışlar əldə edib. Xalqın çox hissəsi müsəlman olmaqla bərabər, Türkiyə demokratik bir ölkədir və bu mənada bölgədəki digər müsəlman ölkələrinə örnəkdir. Bu səbəblə Ankara ilə münasibətlərin çox önəmli olduğunu qəbul edirik. Biz Avropa Birliyinin üzvü olmasaq da, başlanğıcdan Türkiyənin bu birliyə qəbul edilməsinin vacib olduğunu dedik. Üzv olma məsələsinin Avropada güclü müqavimətlə qarşılandığını bilirəm. Bunun yaxın keçmişdə Türkiyədə baş verən hakimiyyət dəyişiklikləri və ya bu ölkədəki demokratiyanın özəlliyi ilə əlaqəli olmasına inanmıram. Mənim fikrimcə, bu gün Türkiyədə müşahidə etdiyimiz bir demokratik mübarizədir. Bununla belə, Türkiyənin Avropa Birliyinə üzv qəbul edilməsi vacibdir. Bu istər-istəməz türk insanının da Avropanı necə görməsinə təsir edəcək. Özlərini Avropa ailəsinin parçası hiss etmədikləri bir durumda ittifaq və ya birlik üçün başqa yerlərə baxmaları anlaşılandır”. ans

SEÇİLMİŞ XƏBƏRLƏR

Çox oxunanlar