Contact Us

SON XƏBƏRLƏR

Rəsmi Tehram yumuşalır

2021.10.20, 07:36
Rəsmi Tehram yumuşalır

Gunaz.tv

GünAzTv: İran parlamentinin Milli Təhlükəsizlik və Xarici Siyasət komissiyasının sədri Əlaəddin Brucerdinin açıqlamasına görə İran Milli Təlükəsizlik Şurası zənginləşdirilmiş uranın dəyişdirilməsi baş tutduğu təqdirdə İran daxilində 20 % miqdarında uranı zənginləşdirməyi dayandıracağını bildirib. İSNA xəbər agentliyinə müsahibə verən Brucerdi ABŞ, Fransa və Rusiyanın mövqelərini dəyişdirməsini də tələb edib və bildirib ki, “təcrübə göstərir ki, bu 3 ölkəyə inanmaq olmaz”.

İyunun 4-də İSNA-nın digər bir xəbərinə əsasən İran Ticarət Nazirinin Xarici Ticarətin İnkişafı üzrə müavini Babək Əfqəhi sanksiyaların təsirini önləmək məqsədi ilə işçi qrupunun yaradılması barədə məlumat verib. O bildirib ki, onun təmsil etdiyi nazirlik BMT-nin 4-cü dövr sanksiyalarının təsirini və ondan irəli gələn problemləri araşdırır və bununla bağlı təcrübəli mütəxəssislərdən ibarət işçi qrupu yaradıb. Bu qrup problemləri öyrənib onların həlli yollarını və digər təkliflərini irəli sürəcəklər. Bundan əvvəl İran Xarici İşlər Naziri Mənuçehr Mottəki, BMT-nin Təhlükəsizlik Şurasının yeni sanksiyalarını “məğlubiyyətə uğramış təcrübə” adlandıraraq bildirmişdi ki, İran bunun qarşısını almaq məqsədi ilə ciddi tədbirlər həyata keçirəcək.

Bilindiyi kimi BMT-nin Təhlükəsizlik Şurasi iyunun 9–da İranın nüvə proqramına qarşı növbəti sanksiyalar qətnaməsini qəbul edib. Bu sanksiyalar İranın beynəlxalq bank, gəmiçilik, hərbi, maliyyə və biznes fəaliyyətlərini əngəlləməklə yanaşı İranlı bir sıra dövlət iş adamlarının da xaricdə biznes fəaliyyətlərinə qadağalar qoyub. Bundan əlavə ABŞ və AB də ayrı ayrılıqda yeni sanksiyaların tətbiq edilməsini təsdiqləyib.

Artıq sanksiyaların nəticələri İranda görünməyə başlayıb. İranın dövlət xəbər agentliyi olan İRNA iyyulun 4-də məlumat yayıb ki, Ərəb Əmirlikləri, Almaniya və Küveyt İran sərnişin təyyarələrinə yanacaq verməkdən imtina edib. İranın bu sanksiyalara davam gətirə biləcəyi çətin görünsə də hakimiyyət son ana qədər dirənməyə çalışır. Digər tərəfdən sanksiyalar tam tətbiq olunana qədər İran rəsmilərinin siyasətində dəyişikliklərin olması da gözlənilir. İran rəsmilərinin son açıqlaması da ABŞ və müttəfiqlərinin qərarlılığı qarşısında İranın bir qədər geri çəkiləcəyini göstərir. Araztm

SEÇİLMİŞ XƏBƏRLƏR

Çox oxunanlar