İran daha bir İsveç vətəndaşını girov götürüb

SON XƏBƏRLƏR

İran daha bir İsveç vətəndaşını girov götürüb

2022.05.06, 09:58

Gunaz.tv

İsveçin “Afton Bladet” qəzeti mayın 5-də yaydığı məlumatda isveçli turistin İranın təhlükəsizlik məmurları tərəfindən həbs olunduğunu yazıb.

Qəzetin yazdığına görə, saxlanılan şəxs adi turist olub və başqa bir neçə nəfərlə birlikdə İrana səfər etdikdən sonra girov götürülüb.

Qəzet məlumatlı qaynağa istinadən İsveç vətəndaşının həbsi İranın keçmiş prokuror köməkçisi Həmir Nurinin İstokholmda mühakimə olunması və onun barəsində ömürlük həbs cəzasının istənilməsi ilə bağlıdır.

İsveç Xarici İşlər Nazirliyi qəzetin yazdığını təsdiq edib və bildirilib ki, bu barədə geniş açıqlama vermək istəmirlər.
XİN məsələ ilə bağlı İran rəsmilərinə müraciət etdiklərini və İsveç vətəndaşının azadlığa buraxılması üçün çalışdıqlarını bildirib.

Qeyd edək ki, mayın 4-də İran mətbuatı İsveç vətəndaşı olan və hazırda Tehranın Evin zindanında saxlanılan güney azərbaycanlı alim Əhmədrza Cəlalinin yaxın vaxtlarda edam ediləcəyini yazıb.

İran hökuməti son illərdə çoxlu sayda əcnəbi və ikili vətəndaşlığı olan şəxsləri müxtəlif ittihamlarla, o cümlədən casusluq, xarici təhlükəsizlik orqanları ilə əməkdaşlıq və ya rejimə qarşı fəaliyyət göstərməkdə saxlayıb və bu şəxslərin bəziləri başqa ölkələrdəki iranlı məhbuslarla dəyişdirilib. .

İran hökumətnin bu praktikası bir çox dövlətlər və insan haqları təşkilatları tərəfindən dəfələrlə pislənilmiş və bu hərəkəti siyasi məqsədlərə çatmaq üçün girov alma götürmə əməli kimi dəyərləndirilib.

Cavidan

GUNAZ.TV

SON XƏBƏRLƏR