Qəzzanın mühasirəsinə son qoyuldu

SON XƏBƏRLƏR

Qəzzanın mühasirəsinə son qoyuldu

2021.10.20, 07:36

Gunaz.tv

GünAzTv: Toni Bler HƏMAS-ı sülh prosesinin bir parçası kimi görür.İsrail Qəzzə zolağının mühasirəsini yüngülləşdirmək planı ilə bağlı detalları açıqlayıb. Açıqlanan plana görə, bundan sonra Qəzzaya bütün mülki yardım vəsaitlərinin daxil olmasına icazə veriləcək. İcazə veriləcək çeşidlər arasında humanitar yardım vəsaitləri, qida məhsulları və inşaat materialları da olacaq. İsrailin baş naziri Benyamin Netanyahu bəzi qida növləri, inşaat materialları və ev alətlərini əhatə edən əvvəlki uzun qadağalar siyahısını yenilədiklərini açıqlayıb. İndiki qısa qadağalar siyahsında «silahlar və hərbi ləvazimatlar» var. İsrail hökumətinin sözçüsü Mark Reqev «Bundan belə HƏMAS-ın hərbi gücünü artıra biləcək hərbi ləvazimatlardan savayı bütün çeşidlərin Qəzzəyə girişinə yaşıl işıq yandırılır» deyə bildirib. Addımı alqışlayan Vaşinqton verdiyi şərhdə İsrailin bu addımının «Qəzza xalqının həyatını yaxşılaşdıracağına ümid» ifadə edib. Xatırladaq ki, İsrailin Qəzzaya qarşı mühasirəsi 2005-ci ildən bu yana qüvvədə idi. Ancaq Qəzzəyə yardım aparan «Mavi Mərmərə» gəmisinə qarşı İsrail hərbi qüvvələrinin 9 nəfərin ölümü ilə nəticələnən basqınının ardından bu mühasirə beynəlxalq müstəvidə sərt tənqidlərə məruz qalmışdı. Mühasirə planına edilən dəyişikliklərin Yaxın Şərq Dördlüyünün nümayəndəsi Toni Bler tərəfindən təklif edildiyi də açıqlanıb. Toni Bler mühasirənin yüngülləşdirilməsinin bölgədə böyük bir dəyişiklik yaradacağına ümid edir. Mühasirənin yüngülləşdiriləcəyi barədə açıqlamanın ardından danışan Bler Qəzza zolağına nəzarəti əlində saxlayan HƏMAS-ın sülh prosesinin bir hissəsi ola biləcəyini dilə gətirib. O, bunun üçün HƏMAS-ın girov götürdyüyü İsrail əsgəri Gilad Şaliti sərbəst buraxması və zorakılığı qınamasının lazım olduğunu deyib. Ümumən mühasirənin yumşaldılmasına baxmayaraq, İsrail Qəzzanın dəniz mühasirəsinin davam edəcəyini açıqlayıb. Fələstinli qruplar isə mühasirənin yüngülləşdirilməsi planının qənaətbəxş olmadığını bəyan ediblər və tamamilə aradan qaldırılması çağırışı ilə çıxış ediblər.

GUNAZ.TV

SON XƏBƏRLƏR