Contact Us

SON XƏBƏRLƏR

BMT qırğızıstana humanitar kömək göstərəcək

2021.10.20, 07:36
BMT qırğızıstana humanitar kömək göstərəcək

Gunaz.tv

GünAzTv: BMT üzv ölkələri iğtişaşlardan ziyan çəkən Qırğızıstana təcili sürətdə 71 milyon dollar dəyərində humanitar yardım göstərməyə çağırıb. Bu barədə BMT-nin baş katibi Pan Gi Mun Nyu-Yorkda jurnalistlərə müsahibəsində məlumat verib. Bu arada Fransa Qırğızıstanda zərərçəkmişlərə təcili tibbi yardım təyyarəsi göndərib. Bundan əlavə Fransa artıq Beynəlxalq Qırmızı Xaç  Komitəsinin xətti ilə bu ölkəyə 100 min avro dəyərində yardım edib. Qırğızıstan və Özbəkistanın ehtiyaclarının qarşılanması üçün isə rəsmi Paris BMT-nin Qaçqınlar üzrə Ali Komissarlığının xətti ilə daha 250 min avro ayırmaq niyyətindədir. ABŞ da Qırğızıstan və Özbəkistana qaçqınlarla bağlı problemlərin həll edilməsi üçün 30 milyon dollar ayırmağa qərar verib. 

**Birləşmiş Ərəb Əmirlikləri də bu ölkəyə təcili humanitar yardım ayrılması barədə razılığa gəlib. 

**Bu arada Rusiya müdafiə nazirliyi bildirib ki, Qırğızıstan rəhbərliyinin həqiqətən də Rusiyaya ölkədəki strateji obyektlərin mühafizəsi üçün hərbçi göndərməsi barədə müraciət edib. Lakin Rusiya tərəfi məsələ ilə bağlı hələ heç bir qərar gəlməyib. 

**Qırğızıstandakı vəziyyətlə bağlı Özbəkistan prezidenti İslam Kərimov ABŞ dövlət katibi Hillari Klinton  telefon söhbəti zamanı fikir mübadiləsi aparıblar. İslam Kərimov bəyan edib ki, Qırğızıstandakı iğtişaşlar üçüncü qüvvələr təşkil edib və Özbəkistanı Qırğızıstanla münaqişəyə cəlb etmək məqsədi güdür. Lakin Özbəkistan heç vaxt digər ölkələrin ərazisindəki belə münaqişələrə müdaxilə etməyəcək. ABŞ dövlət katibi Hillari Klinton isə gələn həftə yeni konstitusiya üzrə referendum keçirməyi nəzərdə tutan Qırğızıstanın müvəqqəti hökumətinin dəstəklənməsinin vacibliyini qeyd edib. 

**Böyük Britaniyanın Sərhəd agentliyi Qırğızıstanın keçmiş prezidentinin oğlu Maksim Bakiyevə Britaniyada müvəqqəti sığınacaq verməyib. Agentlikdən bildiriblər ki, hazırda Maksim Bakiyevin sığınacaq istəməsi barədə müraciətinə baxılır.

SEÇİLMİŞ XƏBƏRLƏR

Çox oxunanlar