İrəvan Qarabağ münaqişəsinə dini mahiyyət verməyə çalışır

SON XƏBƏRLƏR

İrəvan Qarabağ münaqişəsinə dini mahiyyət verməyə çalışır

2021.10.20, 07:36

Gunaz.tv

GünAzTv: Ermənistan Dağlıq Qarabağ münaqişəsinin həllini uzatmaq üçün bəhanələr axtarır.

İşğalçı ölkənin prezidenti Serj Sarqsyan diqqəti tamam fərqli istiqamətə yönəldərək, münaqişəyə dini don geyindirməyə çalışıb. Ermənistan Dağlıq Qarabağ münaqişəsi ilə bağlı konkret addım atmamaq üçün bütün vasitələrə əl atır.

GünAzTv mətbuat mərkəzinin “lider.tv”-yə istinadən yaydığı məlumata görə, İşğalçı ölkənin prezidenti Serj Sarqsyan Qətərin İrəvandakı səfiri ilə görüşdə Azərbaycan tərəfini ittiham edərək, münaqişənin dini xarakter daşığıdı üçün uzandığını bildirib. İrəvan İslam ölkələrinin Azərbaycanın mövqeyini dəstəkləməsindən narahatdır. Ekspertlər hesab edir ki, Serj Sarqsyanın bu açıqlaması beynəlxalq ictimaiyyətin diqqətini yayındırmaq məqsədi güdür, amma bu plan baş tutmayacaq. Çünki münaqişə ətrafında yaranmış siyasi gərginlikdən ehtiyat edən beynəlxalq qurumlar vəziyyətin daha da gərginləşdirilməsində maraqlı deyil. Yeri gəlmişkən, Cənubi Qafqazdakı münaqişələr Tbilisidə ermənistanın xarici işlər naziri Edvard Nalbandyanla gürcü həmkarı Qriqol Vaşadze arasında keçirilən görüdə müzakirə olunub. Tərəflər regionda sabitliyin bərpa yollarına dair fikir mübadiləsi aparıblar. Edvard nalbandyan fürsət taparaq, Gürcüstanda məskunlaşan və böyük ərazi iddiaları olan ermənilərin hüquqlarının müdafiəsi məsələsini də gündəmə gətirib. Nalbandyanın Tbilisiyə səfər etdiyi bir vaxtda gürcü ekspertlər Dağlıq Qarabağ münaqişəsi ilə bağlı maraqlı açıqlamalar veriblər. Siyasətşünas Mamuk Araşidze bildirib ki, Cənubi Qafqazda münaqişələrin həlli tərəflərdən asılıdır və digər ölkələrin vaistəçiliyinə ehtiyac yoxdur. «Münaqişə yalnız qarşılıqlı güzəştlər əsasında mümkün ola bilər. Bunun üçün tərəflər arasında mütəmadi görüşlərə və qarlışıqlı müzakirələrə ehtiyac var» deyən gürcü siyasətşünasın sözlərinə görə, yaxın vaxtlarda Dağlıq Qarabağ münaqişəsinin həlli ilə bağlı ciddi irəliliyəşə nail olunacağı inandırıcı görünmür. Çünki vasitəçilər yalnız öz maraqlarını güdürlər və münaqişənin həllində maraqlı deyillər. Bu baxımdan Cənubi Qafqazın yaxın gələcəyi üçün nikbin proqnoz vermək çətindir.

GUNAZ.TV

SON XƏBƏRLƏR