Rəcəb Tayyib Ərdoğan: "Azərbaycanla Cənub Qaz Dəhlizinin genişləndirilməsinə önəm veririk"

SON XƏBƏRLƏR

Rəcəb Tayyib Ərdoğan: "Azərbaycanla Cənub Qaz Dəhlizinin genişləndirilməsinə önəm veririk"

2022.06.04, 09:23

Gunaz.tv

"Bakı-Tbilisi-Ceyhan neft kəməri, Bakı-Tbilisi-Ərzurum qaz kəməri və TANAP kimi meqa infrastruktur layihələrini həyata keçirməklə yerli və qlobal enerji təhlükəsizliyinə həyati töhfələr verdik.

Hazırda onurğa sütunu TANAP olan Cənub Qaz Dəhlizi Avropanın dördüncü təbii qaz arteriyası mövqeyindədir. Bu günədək Cənub Qaz Dəhlizi üzərindən Türkiyəyə 15 milyard kubmetr, Avropanın digər ölkələrinə isə 10 milyard kubmetr təbii qaz ötürülüb.

Qardaşım İlham Əliyevlə birlikdə münasibətlərimizi müttəfiqlik səviyyəsinə yüksəltdiyimiz Şuşa Bəyənnaməsində də vurğuladığımız üzrə Cənub Qaz Dəhlizinin həcminin artırılmasına önəm veririk", - deyə məktubda qeyd olunub.

"Beynəlxalq plandakı mövcud irəliləyişlər atdığımız addımların nə qədər dəqiq olduğunu göstərir. Türkiyə-Azərbaycan əməkdaşlığının Avropanın enerji təhlükəsizliyi üçün daşıdığı həyati önəm artıq daha yaxşı başa düşülür. Qardaşım İlham Əliyevin rəhbərliyi altında Azərbaycanın bərpa olunan enerji sahəsində ortaya qoyduğu baxış regional sabitlik və rifah baxımından yol göstəricisi olur.

Bu baxımdan, Qarabağ və Şərqi Zəngəzurun "yaşıl enerji bölgəsi" elan edilməsi son dərəcə dəqiq addımdır. Enerji və enerji təhlükəsizliyinin əhəmiyyətinin getdikcə artdığı bir dövrdə tərtib edilən Bakı Enerji Həftəsinin uğrunun davamını arzulayır, bütün iştirakçıları səmimi qəlbdən salamlayıram", - deyə Türkiyənin dövlət başçısı qeyd edib.

Qeyd edək ki, məktubu Rəcəb Tayyib Ərdoğanın adından Türkiyənin Azərbaycandakı səfiri Cahit Bağcı oxuyub.

Ayxan

GUNAZ.TV

SON XƏBƏRLƏR