VIII Beynəlxalq Türkcə Olimpiadası yekunlaşdı

SON XƏBƏRLƏR

VIII Beynəlxalq Türkcə Olimpiadası yekunlaşdı

2021.10.20, 07:36

Gunaz.tv

GünAzTv: Bu ilin may ayının 26-də Türkiyənin Dolmabağça Sarayında start verilən VIII Beynəlxalq Türkcə Olimpiadasınadünən yekun vurulub. Bağlanış mərasiminə Türkiyənin Baş naziri Rəcəb Tayyib Ərdoğan da qatılıb.

“Eyni dili danışırıq” devizi altında keçirlən türkcə olimpiadasında 120 ölkəni təmsil edən 750 şagird yarışdı. Dünyanın müxtəlif ölkələrindən gəlmiş, ayrı-ayrı dinləri, millətləri, irqləri təmsil edən şagirdlər türkcə oxuduqları şeir və mahnılarla öz duyğularını dünyaya bəyan etdilər. Onlar 16 gün ərzində türk dilinin gözəllik və zənginliyini, onun sevgi, barış dili olduğunu bir daha dünyaya çatdırdılar. Qeyd edək ki, bu yarışmada respublikamızı 22 şagird təmsil edirdi.

Dünən Ataköy Sinan Erdem Spor Salonunda gerçəkləşən bağlanış mərasimində bu yarışmanın mahnı nominasiyası üzrə birinciləri - türkmənistanlı Döyərən və tacikistanlı İsmayıl yenə könülləri fəth ediblər. Monqolustanlı Bilguun ilə albaniyalı Andı Barış Mançonun “Uzun incə bir yoldayam” mahnısını ifa ediblər. Keçən ilin birincisi olmuş mozambikli Bangaiana Joze “Sivasın yolları” adlı türküsünü səsləndirib. Mərasim çərçivəsində Əlişir Nəvai mükafatı professor. Şükrü Hanioğluya verilib. Olimpiada şagirdlərini hazırlayan müəllimlər isə “Ən yaxşı türkcə öyrədən müəllim” kateqoriyasında mükafatlandırılıblar. Qeyd edək ki, mərasimə Türkiyənin Baş naziri Rəcəb Tayyib Ərdoğan da qatılıb.

Məlumat üçün bildirək ki, 120 ölkənin 750 şagirdini bir araya gətirən VIII Beynəlxalq Türkcə Olimpiadasının açılış mərasimi bu ilin may ayının 26-da İstanbuldakı Dolmabağça Sarayında keçirilib. Şeir, mahnı, inşa, qrammatika, nitq, tamaşa, dünyagörüşü, qeyri-adi qabiliyyətlərin nümayişi kateqoriyaları üzrə yarışlar isə Türkiyənin Trabzon, Samsun, Bursa, Malatya, İzmir, Ankara və digər şəhərlərində düzənlənib. Beynəlxalq Türkcə Öyrətim Dərnəyinin təşkil etdiyi VIII Beynəlxalq Türkcə Olimpiadasının “Anagün” adı verilən mükafatlandırılma mərasimi isə iyunun 5-də Ankaradakı Qapalı İdman Salonunda gerçəkləşib.

GUNAZ.TV

SON XƏBƏRLƏR