Türkiyədə İrana bağlı terror qrupunun üzvləri həbs edilib

SON XƏBƏRLƏR

Türkiyədə İrana bağlı terror qrupunun üzvləri həbs edilib

2022.06.23, 16:44

Gunaz.tv

İsrail mediası Türkiyə polisinin ölkə ərazisində israillilərə qarşı sui-qəsd təşkil etməkdə şübhəli bilinən 5-i iranlı olmaqla, 8 nəfəri saxladığını bildirib.

İsrail mediasının məlumatına görə, Türkiyədə həbs edilən terror qruplaşması İsrailin keçmiş səfirini və onun həyat yoldaşını qaçırmağı planlaşdırıb.

Türkiyə polisinin terrorçuları həbs etmək üçün İstanbulda bir hotel və üç kirayə evdə eyni vaxtda əməliyyat keçirdiyi, saxlanılan iranlı terrorçuların turist və iş adamı adı altında Türkiyəyə girdikləri bildirilir.

Bununla yanaşı Türkiyə polisinin verdiyi məlumata görə, iranlı terrorçuların aşkarlanaraq saxlanılmaları üçün əməliyyatlar davam etdiyi bir vaxtda İstanbulun Bəyli məhəlləsində terrorçulara məxsus çox sayda sılahn aşkarlanaraq götürülüb.

Xatırladaq ki, son aylarda İranın bir sıra şəhərlərində SEPAH-ın yüksək rütbəli zabitlərinin öldürülməsindən sonra İran rəsmiləri bunu İsrail kəşfiyyatı ilə əlaqələndirib və intiqam alınacağını qeyd edib.

Bundan sonra hərəkətə keçən İran rejimi bu istiqamətdə Türkiyədə İsrail vətəndaşlarına qarşı terror aktları törətmək istəsə də, bu hücumların qarşısı Türkiyə kəşfiyyatı (MİT) tərəfindən alınıb və bir neçə şəxs saxlanıb. Həmin agentlərin SEPAH-ın Qüds qanadının üzvləri olduğu aydın olub.

Timur

GUNAZ.TV

SON XƏBƏRLƏR