Contact Us

SON XƏBƏRLƏR

Türkiyədə Məsud Bərzani PKK ilə mübarizəyə söz verdi

2021.10.20, 07:36
Türkiyədə Məsud Bərzani PKK ilə mübarizəyə söz verdi

Gunaz.tv

GünAzTv: PKK terrorçuları Türkiyədə aktivliyini artırır. Dünən terrrorçular hərbiçilərə iki dəfə hücum edib. PKK-nı dəstəkləyən kürdlər isə Silopi bölgəsində aksiya keçirib. Onlar yaraqlılara qarşı əməliyyatların dayandırılmasını tələb edib. Türkiyədə səfərdə olan Şimali İraq regionunun rəhbəri Məsud Bərzani xarici işlər naziri Əhməd Davudoğluyla danışıqlar aparıb. Görüşdə Bərzani PKK-yla mübarizədə Türkiyəylə iş birliyinə söz verib. Mətbuat konfransı zamanı Türk bayrağı ilə yanaşı kürdlərin bayrağının qoyulmaması diqqəti cəlb edən əsas məqamlardan olub. Bərzani və Davudoğlu arasında baş tutan ikitərəfli danışqların əsas gündəmi terrorla mübarizə və təhlükəsizlik məsələsi olub. Türkiyənin xarici işlər naziri münasibətlərdəki əsas əngəlin terror olduğunu bildirib. O, Şimali İraq rəhbərliyini terrorla mübarizədə işbirliyinə çağırıb. Həmçinin bu istiqamətdə şimali iraqın son müddətdə aktivlik sərgiləməsini yüksək qiymətləndirib. Bərzani terrorla mübarizədə əməkdaşlığın davam edəcəyini bəyan edib. O, rəsmi Ankaranın yürütdüyü kürd açılımı siyasətini də dəstəklədiyini bildirib. Danışıqlar zamanı arxa planda yalnız türk bayrağının olması jurnalistlərin diqqətini cəlb edib. Davudoğlu bunun xüsusi bir anlamı olmadığını deyərkən Bərzani durumun fərqində olmadığını söyləyib. Davudoğluyla görüşdən sonra bərzani baş nazir Rəcəb Tayyib Ərdoğanla da görüşüb. Bu gün isə onun prezident Abdullah Gül və Türkiyədəki Kürd Partiyasının rəhbərliyiylə görüşü planlaşdırılır. Bərzani rəsmi Ankara ilə danışıqlar apardığı bir vaxtda Kürd Partiyasının tərəfdarları Silopi şəhərində qeyri-qanuni etiraz aksiyası keçirib. Nümayişdə barış və demokratiya partiyasının iki deputat da iştirak edib. Etirazçılar İraqla sərhəddəki habur keçidinə doğru irəliləməyə çalışıb. Lakin yerli polis onların qarşısını alıb. Asayiş keşikçilərini daşa basan nümayişçiləri dağıtmaq üçün polis gözyaşardıcı qaz və su şırnaqlarından istifadə edib. Yaranmış gərginlikdə kürrd deputtalardan birinin ayağı sınıb. Nümayişçilərin aksiyadakı əsas hədəfi isə PKK yaraqlılarına qarşı əməliyyatların dayandırılması olub. Terrorçularda fəallaşıb. Dünən Hakkari, Van və Mardində terrorçular yerli polisə hücum edib. Hücumlar nəticəsində üç asayiş keşikçisi yaralanıb.

SEÇİLMİŞ XƏBƏRLƏR

Çox oxunanlar