2010.06.12 və 13 günlərində BrüsselToplantısı keçiriləcəkdir. Dünyanın hər yerindən bu toplantıya qatılan soydaşlarımız olacaqdır. Sözsüz ki, Azərbaycan Milli Hərəkatıyla ilgili olan bir çox soydaşımızın bu toplantının hansı təməllər üzərində qurulmasından vəya ən azı özətlərindən bilgiləri vardır. Buna baxmayaraq böyük bir kəsimdə var ki, Brüssel toplantısının amacının nə olduğundan xəbərləri yoxdur. Bu üzdən Brüssel Toplantısının üzərində biraz da olsa dayanırıq.

Brüssel Toplantısı nədir?   

Əslində Brüssel Toplantısı 2009 dekabrın 11 və 12 günlərində keçirilmiş Amsterdam Dialoq Toplantısının uzantısıdır. Amsterdam Toplantısının yekonlaşması ilə ortaya çıxan 12 madəlik milli-siyasi bildirişin 12-ci bəndində açıqcasına növbəti toplantının olacağını deyir. Həmin bəndin təlimatına görə, bövbəti toplantının görəvi də bəlli olmuşdur. Bu bəndə görə,: “Amsterdam Diyaloq Toplantısı ...Güney Azərbaycan milli hərəkatında fəaliyyət göstərən bütün təşkilatlar və şəxsləri dəvamli işbirliyi mexanizmasinin qurulmasina çağırır.” Bu bəndə görə, dialoğun sonucunda əldə olunan söz birliyinin əməl birliğinə keçirilməsi istənilir. Yəni artıq bir aşama geridə buraxılmışdır. Bundan sonraki aşama, “bütün təşkilatlar və şəxsləri dəvamlı işbirliyi mexanizmasinin qurulmasina çağırır.” Bu üzdən Brüssel toplantısının görəvinin yalnız və yalnız mexanizmaçı olması aydıncasına ortaya qoyulur. Bunun altına Amsterdamda 300-ə yaxın imza atılmışdır. Brüssel Toplantısının görəvi isə, bu imzalara sayğı göstərmək və onların həyata keçirilməsinə əlverişli imkan yaratmaqdır. G.AQP-nın seçginlərinin də, bu imzalar sırasında adları vardır. Bu üzdən, ödənəcək ulusal borcumuzu vermək üçün bütün ufaq-təpə bahanalardan keçməyimiz gərəkir.

Nədən Brüsseldə olmalıyıq?

Biz, Brüsseldə olmalıyıq ki, qurulacaq hər hansı qurumun Amsterdam Bəyaniyyəsinə söykənəcəyini sağlamış olaq. Biz, Brüsseldə olmalıyıq ki, yaranacaq qurumun çeşidliği qorunsun. Qurulacaq qurumun tərkibindən asılı olmayaraq, Amsterdamda cizilmiş cizgilər olduğu kimi həyatda da özünü göstərə bilsin. Biz, Brüsseldə olmalıyıq ki, Amsterdam Bəyaniyyəsinin geriyə deyil, irəliyə baxmasını sağlayaq. Onu daha da, millətimizin dərin istəklərilə uyğunlaşdıraq. Buda, o deməkdir ki, brüsseldə yaranacaq hər hansı mərkəzin iş planının təməl yazılışı olan Amsterdam bəyaniyyəsinin gömürməsində deyil, yaşamasında ortaq olaq. Biz, Brüsseldə olmalıyıq ki, öz patiyamızın çığır yolunu, Milli Hərəkatımızın ana yoluyla uzlaşdırmış olaq. Bu, o deməkdir ki, Bizim üçün patiya ehtirası, bayraq sevdası, ulus və vətəndən sonra gəlir və biz Brüsseldə olmalıyıq ki, Amsterdamdan dönər-dönməz Güneyimizdəki qəhrəmanlara verdiyimiz gözəl mesajlara sadiq olduğumuzu bir daha təsdiqləmiş olaq. Boş olmadığımızı, verdiğimiz sözə yiyə çıxdığımızı, ağıla sığmaz dərəcə kiçik həvəslərə əsir olmadığımızı, ciddi və sorunlu tutumlu olduğumuzu sərgimiş olaq.  

Bizə görə, Brüssel toplantısının biraz ertələnməsilə ortada ola biləcək möhtəməl söz-söhbətlərə də son qoymaq olardı. Ancaq, bu önərinin gec olmasını gözə alarsaq bütün imkanlarımızla ortaqlaşmağı düşünməliyik. Bizə görə, güneyin qurtuluşunu düşünən hər hansı qurum, quruluş və milli şəxsin Brüsselə qatılması çox gərəkir. G. Azərbaycan Milli Hərəkatı, bütün qurum-quruluşlardan, şəxslərdən qat-qat ulu və üstündür. Gəlin, Brüsseldə toplanmaqla, qutsal sandığımız qurtuluş və istiqlal yolumuzu zəfərə doğru uğurlayaq!        Biz, Amsterdamda ulusumuzun qurtuluşçu və istiqlalçı nümayəndələri olaraq, Azərbaycan mərkəzli və istiqlal yönlü aşağıdaki 12-maddəlik bəyaniyyəni ortaya qoymağı bacardıqsa, Brüsseldə daha böyük addım atacağımızdan əmin olmalıyıq.                                                    

Birlik və birgəlik diləyilə Brüsseldə buluşanadəy!

Güney Azərbaycan Qurtuluş Partiyası

Yönətim Qurulu

2010-06-02

“...Milli hərəkatın geniş miqyaslı olduğunu qəbul edən 21 Azər Amsterdam Dialoq Toplantısı bütün fərqli görüşləri göz önündə bulunduraraq, aşağıdakı maddələri ortaq prinsiplər olaraq qəbul edir:

1- Toplantı, Güney Azərbaycan türk millətinin milli azadlığı yolunda mübarizədə bu günkü fars rasistmini təmsil edən İran İslam Cümhuriyətini əsas maneə kimi görür. Çünkü bu rejim hər növ demokratik dəyişikliyə qarşıdır.2- Azərbaycan Milli Azadlıq Hərəkatının amalı Güney Azərbaycanda milli – demokratik dövlət qurmaqdır. Ayrıca, Güney Azərbayanın hüdudları xaricində yaşayan digər türk xalqlarının milli haqlarını da qorumaq lazımdır. Azərbaycan Milli Hərəkatı öz müqəddəratını təyin etməkdə son söz sahibi olmalıdır.3- Azərbaycan Milli Hərəkatı sekular dövlət qurulmasının tərəfdarıdır və bu yolda mübarizə aparır.4- Türk dili (Azərbaycan türkçəsi) rəsmi dövlət dili olmalıdır. Bütün ölkədə yaşayan türklər üçün türk dilli media şəbəkələri qurulmalıdır. Azərbaycanın elmi, texniki və iqtisadi inkişafı təmin edilməlı, millətimizin yaşayış səviyəsi dünyanın inkişaf etmiş millətləri səviyəsinə yüksəlməlidir.5- Azərbaycan Milli Hərəkatı bütün sahələrdə qadın- kişi hüquq bərabər yolunda mübarizə aparır.6- Din, məzhəb, məslək, inanc, söz, mətbuat, sendikalar, siyasi partiyalar, geyim və yaşam tərzi kimi, bütün mədəni azadlıqlar qeydsiz-şərtsiz təmin edilməlidir.7- Azərbaycan milli Hərəkatı edama və hər növ işkəncəyə qəti şəkildə qarşıdır.8- Milli Hərəkat Aria rasism sisteminin təmsilçisi olan İran İslam Cümhuriyətinənin Azərbaycanda demoqrafik yapını dəyişdirmə siyasetinə qarşı çıxıb və bu rejimə qarşı milli zülm altında yaşayan digər millətlrlə işbirliyi aparmalıdır.9- Yuxarıda qeyd edilən hədəflərə çatmaq üçün xaricdə fəaliyət göstərən azərbaycanlı qüvvələr, daxildə gedən milli mübarizəni diqqətlə təqib etməli və ona uluslar arası insan haqları mərkəzlərindən dəstək qazanmalı, Azərbaycana qarşı informasiya blokadasını qırmalı və bütün dünyada Azərbaycan Milli Mənafei üçün lobbiçilik fəaliyətlərini təşkilatlandırmalıdır.10- Güney Azərbaycan Milli Hərəkəti müstəqil, demokratik və moderndir.11- Güney Azərbayan Milli Azadlıq Hərəkatı Dünya İnsan Haqları Bəyannaməsinin və ona bağlı konvansiyonların Azərbayanda həyata keçirilməsi üçün mübarizə aparır.12- Amsterdam Diyaloq Toplantısı yuxarıdakı prinsiplərə daynaraq Güney Azərbaycan milli hərəkatında fəaliyyət göstərən bütün təşkilatlar və şəxsləri dəvamli işbirliyi mexanizmasinin qurulmasina çağırır.

Yaşasın AzərbayanYaşasın Milli BirliyimizAmsterdam 21 azər (12 desambr) 2009