"İran Azərbaycanla bağlı bütün “qırmızı çizgilər”i aşıb"

SON XƏBƏRLƏR

"İran Azərbaycanla bağlı bütün “qırmızı çizgilər”i aşıb" - Politoloq

2022.11.02, 08:27

Gunaz.tv

Bunu “Atlas” Araşdırmalar Mərkəzinin rəhbəri Elxan Şahinoğlu İran-Azərbaycan münasibətlərini şərh edərkən bildirib.

Ekspert deyib ki, Tehran Azərbaycanla münasibətlərdə bütün “qırımızı çizgilər”i aşıb:

“Bu ölkənin rəsmilərinin, diplomatlarının, deputatlarının və hərbçilərinin Azərbaycan əleyhinə davamlı açıqlamaları, sərhəddə hərbi təlimlər, qonşu ölkənin kəşfiyyat strukturlarının Azərbaycan ərazisində artan fəallığı və digər faktlar iki ölkə arasındakı münasibətlərdə dərin çat yaradıb. Rəsmi Bakı da təxribatları cavabsız qoymayıb.

Prezident İlham Əliyevin “Azərbaycandan kənarda yaşayan soydaşlarımızın taleyi diqqət mərkəzimizdədir” açıqlaması, azərbaycanlı deputatların İranın təxribatlarına adekvat cavabları, Güney Azərbaycan mövzusunun aktuallaşması, hətta Azərbaycan Dövlət Televizya kanalında bununla bağlı reportajların yayımlanması və Azərbaycan ərazisində İran kəşfiyyatına bağlı şəxslərin həbs edilməsi buna misaldır”.

E.Şahinoğlunun sözlərinə görə, İranda rejim dəyişməyənə və ya Tehranın xarici, o cümlədən təhlükəsizlik siyasətində köklü dəyişikliklər baş verməyənə qədər iki ölkə arasındakı münasibətlərin normallaşması mümkün deyil.

Ayxan

GUNAZ.TV

SON XƏBƏRLƏR