Contact Us

SON XƏBƏRLƏR

Azərbaycanla İran arasında söz «atışması»

2021.10.20, 07:36
Azərbaycanla İran arasında söz «atışması»

Gunaz.tv

GünAzTv:XİN Tehrandan gələn bəyanatlara sərt cavab verdi Elxan Mehdiyev: “İran da Ermənistanla yaxşı əlaqələr qurub»İsrail-Azərbaycan münasibətlərində son aylar baş verən yaxınlaşma İranı narahat etməyə başlayıb. Qeyd edək ki, təkcə fevral ayında İsrailin xarici işlər naziri Liberman və sabiq baş naziri Azərbaycanda olub, prezident Əliyev tərəfindən qəbul edilib.

İran Məclisinin deputatı, İran-Azərbaycan parlamentlərarası dostluq qrupunun üzvü Vəkil Sepəh deyib ki, İran bir müsəlman ölkəsi kimi bu münasibətlərdən narahatdır.Xarici İşlər Nazirliyinin sözçüsü Elxan Poloxov isə buna cavab olaraq bildirib ki, İran deputatının bu fikirlərinin əsası yoxdur: “Çünki Azərbaycan müstəqil dövlətdir, müstəqil siyasət aparır, hansı dövlətlə əlaqələr yaratmasını özü müəyyənləşdirir. Bu istiqamətdə heç bir şəxs Azərbaycana məsləhət verə bilməz. Bu məsələdən də narahat olmağa dəyməz. Əgər kimsə narahat olursa, bu onun daxili işidir. Biz heç kimin daxili işinə qarışmırıq”.Politoloq Elxan Mehdiyevə görə isə  isə İranın narahat olmasının səbəbləri var. Bu iki dövlət düşmən münasibətlərindədir: “Bu səbəbdən də İran gücü çatan bütün ölkələri İsraillə münasibətlərdən çəkindirməyə çalışır. Azərbaycana da İsrail siyasətçilərinin gəlməsi Tehranda sevinclə qarşılanmır. Nəzərə almaq lazımdır ki, İsrailin bu bölgədə nüfuzu olmayıb. Bu region SSRİ-nin tərkibində olub. Gürcüstan və Azərbaycanın İsraillə əlaqələri qurulub, onların burada səfirlikləri açılıb. Şərq ölkələrindən fərqli olaraq Azərbaycanın Təl-Əvivlə normal münasibətləri mövcuddur. Sadəcə yəhudi milləti ilə Azərbaycan xalqı arasında hər zaman xoş münasibətlər olub. Bu insani münasibətlər isə yaxşı mənada dövlətlərarası münasibətlərə təsir edib. Digər tərəfdən, biz bilirik ki, İran Azərbaycanın düşməni olan Ermənistanla hər cür münasibətlər qurur, onlara qaz və ərzaq məhsulları ötürür. Buna görə Azərbaycanın İsraillə əlaqələr qurmasına İranın təpgisi qeyri-səmimidir”.

Nemət

 

SEÇİLMİŞ XƏBƏRLƏR

Çox oxunanlar