Contact Us

SON XƏBƏRLƏR

QHT sədri Türkiyəli generalla görüşüb

2023.05.12, 15:43
QHT sədri Türkiyəli generalla görüşüb

Gunaz.tv

Emin Həsənli “Ehtiyatda Olan Zabitlər” Birliyinin sədri, ehtiyatda olan general-polkovnik Ərdoğan Qaraquşla görüşüb. Birliyin Qərargahında Türkiyə-Azərbaycan münasibətləri haqqında müzakirələr aparılıb.   

Ərdoğan Qaraquş Ulu öndər Heydər Əliyevin qardaşlıq münasibətlərinə verdiyi töhfələrdən söz açıb. Heydər Əliyevin təkcə türk dünyası üçün deyil, islam ölkələri üçün böyük şəxsiyyət olduğunu qeyd edib. Ən çətin zamanda Azərbaycan dövlətini, Azərbaycan Ordusunu qurduğunu bildirib.

General Azərbaycan prezidenti İlham Əliyevin Qarabağ torpaqlarını işğaldan azad etdiyini də böyük sevinclə vurğulayıb.

Emin Həsənli də öz çıxışında  44 günlük Vətən müharibəsi zamanı  Türkiyə Prezidenti Rəcəb Tayib Ərdoğanın Azərbaycana dəstəyinin əvəzsiz olduğunu bildirib. O, Mustafa Kamal Atatürkün  “Azərbaycanın sevinci sevincimiz, kədəri kədirimizdir” fikrini örnək gətirərək tarix boyu iki qardaş millətin bir-birini dəstəklədiyini yada salıb. 

Zamanında Qars müqaviləsi, Qarabağ zəfərindən sonra isə Şuşa bəyannaməsini yada salan Emin həsənli  bütün sahələrdə bir-birimizə dəstək olacağımızı  vurğulayıb. 

Bu sahələrlə yanaşı qardaş ölkələrdə olan hərbyönümlü QHT-lərin də qarşılıqlı əlaqələrin və əməkdaşlığının da inkişaf edəcəyini bildirdi.

Emin Həsənlinin növbəti görüşü Ehtiyatda Olan Gizirlər” Birliyində olub. Birliyin sədri  Həmzə Dursun dərnəyin mərkəzi ofisində Emin Həsənlini qəbul edib.

Hərbiyönümlü QHT-lər arasında münasibətləri yüksək qiymətləndirən Həmzə Dursun ötən ilin noyabr ayında 4 Azərbaycan səfərlərini xatırladıb. 

Türkiyənin hərbiyönümlü QHT sədrləri və onların nümayəndələrinin səfərləri zamanı Bakıda, Gəncədə, Şuşada keçirilən tədbirlər xüsusi vurğuladı.  Azərbaycan Prezidenti İlham Əliyevin  Ulu öndər Heydər Əliyevin 100 illiyi münasibəti ilə Şuşada Heydər Əliyev və Atatürk küçəsinin açılışını etməsini böyük sevinclə bildirib.  

Bunu da Türk birliyinə, Türk dünyasına böyük sayğı olduğunu vurğulayıb.

Ayxan
 

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar