Contact Us

SON XƏBƏRLƏR

Urmu Gölü çevrəsindəki kəndlərdə xəstələnmələr və ölüm artır

2023.11.01, 14:29
Urmu Gölü çevrəsindəki kəndlərdə xəstələnmələr və ölüm artır

Urmu Gölünün quruması ilə gölün bölgəsində, xüsusilə də çevrəsindəki kəndlərdə insan faciəsi yaşanır.

Gunaz.tv

Məlumata əsasən, gölün ətrafındakı kəndlərin sakinləri ağ ciyər xərçənginə tutulur. 

Urmu Gölü barədə xeyli sənədli film çəkmiş azərbaycanlı Məhəmməd Əlimuradi öz İnstaqram səhifəsində gölün quruması ilə yaşanan insani faciələrə və hakimiyyətin laqeydliyinə toxunub.

“2 övlad anası olan kənd əhlinin ağ ciyərində şiş diaqnozu xəbəri məni kədərləndirdi. Gölün çevrəsindəki kəndlərin sakinlərinin tənəffüs və həzm xəstəliklərinə tutulması ilə bir çox çox insan dünyasını dəyişib. 

Bu barədə isə rəsmi media susur və xəbərləri çatdırmır. Ötən illərdə sənədli hesabatlarla və filmlər çəkməyimlə dövlət orqanlarının, özəlliklə Səhiyyə Nazirliyinin, tibb elmləri qrumlarının diqqətini bu problemə çəkməyim nəticəsiz qalıb.”-deyə Əlimuradi vurğulayıb.

O, Urmu gölünün acınacaqlı durumu barədə çəkdiyi #Unudulmuşlar, #Urmu Gölünün Xatirəsinə, #Ekizlər, #Gölün Uşaqları və sair sənədli filmləri qeyd edərək bunlara “müvafiq orqanlar və rəsmilər” tərəfindən laqeyd yanaşıldığını deyib.

“İndi isə üzümü siz həkimlərə və bu sahədə mütəxəssislərə tutub deyirəm: insanlıq naminə məsələyə girişin və bu barədə öz elmi tədiqiqatınızı toplayıb məsul şəxslərə və xalqa təqdim edin.

Həmçinin dövlət rəsmilərinə deyirəm: siz gölün quruması ilə törənmiş insan faciəsinin qarşısını almağa heç bir iş görmürsüz, heç olmasa, səhiyyə və tibb üzrə beynəlxalq qurumların bu məsələyə girişməsini mümkün edin və gəlmələrinə yollarını açın!”-deyə güney azərbaycanlı sənədli film istehsalçısı Əlumuradı sözlərinin davamında vurğulayıb. 

Taymaz

 

Açar Sözlər :

SEÇİLMİŞ XƏBƏRLƏR

Çox oxunanlar