Contact Us

SON XƏBƏRLƏR

ABŞ Ermənistanın Rusiyadan qopmasına şərait yaradır

2024.07.31, 08:50
ABŞ Ermənistanın Rusiyadan qopmasına şərait yaradır

ABŞ Ermənistanın Rusiyadan qopmasına şərait yaradır.

Gunaz.tv

Bunu ABŞ dövlət katibinin Avropa və Avrasiya məslələri üzrə köməkçisi Ceyms O'Brayn Senatın Xarici Əlaqələr Komitəsinin Regional və Təhlükəsizlik Əməkdaşlığı Alt Komitəsində "Avropanın Gələcəyi" barədə dinləmələr zamanı sualları cavablandırarkən deyib.

O'Brayn bildirib ki, ABŞ Ermənistanla əməkdaşlığa zaman sərf edir.

"Baş katib Blinken və Avropa Komissiyasının prezidenti Ursula von der Leyenlə birgə bir neçə ay əvvəl Ermənistan baş naziri Nikol Paşinyanla görüşdük, Ermənistana Rusiyadan asılılığını azaltmağa kömək etmək üçün yeni platforma yaratdıq. O, enerji və iqtisadiyyatı baxımından demək olar ki, tamamilə Rusiyadan asılıdır. Biz bunu və həmçinin sərhəd təhlükəsizliyi məsələsini də diversifikasiya etməliyik.

Beləliklə, baş nazir Paşinyanın apardığı cəsarətli addımlar Ermənistana imkan verir ki, Rusiyadan qopsun. Rusiya Ermənistanın təhlükəsizliyinə zəmanət vermişdi. Ancaq Azərbaycanla 2020-ci il müharibəsindən sonra və ondan əvvəl bu zəmanət uğursuzluğa düçar oldu. Azərbaycan Qarabağ və ətrafındakı əraziləri geri alarkən Rusiya Ermənistana arxa çevirdi. Bu, Ermənistan əhalisinin çoxunun Rusiyadan uzaqlaşmaq istədiyi ciddi vəziyyətə gətirib çıxarıb. Beləliklə, biz bunun baş verməsi üçün şərait yaradırıq.

Əhəmiyyətli bir məsələ də odur ki, bu həftənin sonunda bir neçə min rus əsgərinin, Ermənistanı tərk etməsi tələb olunan vaxt gəlib çatır və bu məsələ bir sıra səbəblərə görə həqiqətən əhəmiyyətlidir. Xüsusilə də beynəlxalq hava limanına (Rusiya) nəzarət etdiyi üçün sanksiyalardan yayınma və qaçaqmalçılıq məhz burada baş verir. Beləliklə, biz görəcəyik ki, Rusiya həqiqətən Ermənistanın istədiyi münasibətləri qura bilməsi üçün Ermənistanın suveren istəklərinə əməl etməyə hazırdırmı" , - ABŞ dövlət katibinin köməkçisi deyib.

Açar Sözlər :

SEÇİLMİŞ XƏBƏRLƏR

Çox oxunanlar