Contact Us

SON XƏBƏRLƏR

Bakıda “Türk Ocaqları”nın 100 illik yubileyi keçiriləcək

2021.10.20, 07:36
Bakıda “Türk Ocaqları”nın 100 illik yubileyi keçiriləcək

Gunaz.tv

Bakıda “Türk Ocaqları”nın 100 illik yubileyi keçiriləcək

GünazTV: Bu il Türkiyə Cümhuriyyətində fəaliyyət göstərən ən böyük ictimai təsisatlardan olan “Türk Ocaqları” Dərnəyinin yaranmasının 100 ili tamam olur.

məlumata görə, dərnək rəhbərliyi “Türk Ocaqları”nın yaradıcıları arasında Azərbaycan kökənli ziyalıların da olduğunu, bu təsisatın yalnız Türkiyənin deyil, bütün Türk Dünyasının, o cümlədən Azərbaycanın maraqlarının ifadəçisi kimi çıxış etdiyini nəzərə alaraq əlamətdar yubileyin Azərbaycanda da qeyd olunması təklifi ilə respublikamızın uyğunprofilli dövlət və ictimai qurumlarına müraciət ediblər. 

Bu müraciəti dəyərləndirən Azərbaycanda Atatürk Mərkəzi, “Avrasya Beynəlxalq Araşdırmalar İnstitutu” İctimai Birliyi, Qafqaz Universiteti və Azərbaycan-Türkiyə İşadamları Birliyinin (ATİB) təşkilatçılığı ilə 13-16 mart 2012-ci il tarixdə Bakı şəhərində “Türk Ocaqları”nın 100 illiyi şərəfinə, “Türk Ocaqları”nın 100 illiyi: Türk Dünyasnın dünəni, bügünü, sabahı” adlı elmi-praktik konfranslar keçiriləcək. Yubiley münasibəti ilə respublikamıza qardaş ölkədən mötəbər nümayəndə heyəti təşrif buyurur.

Türkiyə Cümhuriyyəti Baş nazırinin müavini Bəkir Bozdağın başçılıq etdiyi nümayəndə heyətinə Türkiyə-Azərbaycan Parlementlərarası Dostluq Qrupunun sədri Prof.Dr.Necdət Ünüvar, Xaricdə yaşayan türklərlə iş üzrə Nazirliyin İdarə rəisi Kamal Yurtnaç, İstanbul Universitetinin prorektoru Prof.Dr. Əhməd Cavad Acar, “Türk Ocaqları” İstanbul Şöbəsinin başqanı Dr. Cezmi Bayram, Ocağın İdarə Heyəti üzvləri Şərafəddin Yılmaz, Əhməd İyioldu, Bəkir Çelik, KOCAV (Kültür Ocağı Vəqfi) başqanı dr. Əli Ürey, Bağcılar Bələdiyyəsinin başqan müavini Yavuz Subaşı, habelə, məruzəçi olarq dəvət olunmuş alimlər – Dos.Dr.Üfiq Özcan, Dos.Dr.Nəsrin Sarıəhmədoğlu, Dr.İsmail Türkoğlu, eləcə də tanınmış KİV təmsilçiləri – Seyfullah Türksoy, Həsən Yavaş, Əkrəm Kaftan, Özcan Ünlü, İbrahim Zahit Altay və Xeyrəddin Turan daxildir.Yubiley mərasimi martın 13-də Fəxri Xiyaban, Şəhidlər Xiyabanı və Bakıdakı Türk Şəhidliyini ziyarətlə başlayacaq. “Türk Ocaqları”nın 100 illiyi şərəfinə düzənlənən “Türk Ocaqları”nın 100 illiyi: Türk Dünyasnın dünəni, bügünü, sabahı” adlı konfrans 13 martda Azərbaycanda Atatürk Mərkəzində öz işinə başlayacaq. Konfransda açılış çıxışlarından sonra Əli Bəy Hüseynzadə, Əhməd Bəy Ağaoğlu, Ziya Göyalp oturumları gerçəkləşdiriləcək. 

Konfransın ikinci günü Qafqaz Universitetində keçiriləcək. Konfrans Əli Bəy Hüseynzadə, Əhməd Bəy Ağaoğlu, Ziya Göyalp, İsmayıl Bəy Qaspiralı, Hüseyn Cavid, Zəki Vəlidi Toğan, Yusuf Akçura başlıqlı 7 oturumla gerçəkləşdiriləcək.Qeyd edək ki, nümayəndə heyətinin respublikamızın dövlət, hökumət rəsmiləri, Milli Məclis rəhbərliyi, habelə bir sıra ictimai təşkilatların rəhbərləri ilə görüşləri nəzərdə tutulub.S.B

SEÇİLMİŞ XƏBƏRLƏR

Çox oxunanlar