Ulu tanrının adi ilə:

Bildiyiniz kimi son illərdə quzey Azərbaycan prezidenti və Qarabağ fatehi cənab İlham Əliyev, habelə Türkiyə prezidenti cənab Ərdoğan başda olmaqları ilə böyük və tarixi uğurlara imza ataraq, dünyanın və bölgənin zorakı güclərının anti türk planlarını başarısız edib məğlubiyyətə uğradaraq türk dünyasının güclənməsinə nədən olmuşlar.

Bu tarixi qazanclar əlbəttə dostları sevindirib düşmanları üzməkdədir.

Ancaq illər boyu özünü dünya müsəlmanlarının qayğıkeşi və mudafiəçisi kimi göstərməyə çalışan İran islam hakimiyyəti otuz il pərdə arxasında ermənilərin yanında olub onlara dəstək vermiş və müsəlman Azərbaycan türk millətinin əleyhinə əlindən gələni əsirgənənişdir.

Bu qeyri insani və qeyri dini davranışlar Qarabağ azad olduqdan sonra daha da açıq şəkildə görünməyə başlayıb, fars faşizmi türk düşmənliyini bütün sahələrdə ortaya qoymaqdadır.

Məsələn, dünən Ərdəbilin böyük məsçidində ihanət, təfriqə və ayrılıqçı niyyət ilə qurduqları dırnaqarası dini yığıncaqda, İslam və türk dünyasının qara səhifəsi olan Çaldıran savaşını qabardaraq, bir ağacın iki budağı olan qardaş millətin (Azərbaycan, Türkiyə) arasında ayrımçılıq və fitnə yaratmaq hədəfi ilə, insanların məzhəbi həsaslığına barmaq basıblar, orta şərq və bölgədə yürüttükləri yalnış və qeyri insani siyasətlərinin  məğlubiyyətə uğradığını həzm edə bilmədikləri üçün belə düşük və dəyərsiz davranışlara əl atmaqdadırlar.

O dırnaqarası yığıncaq ya daha doğrusu fitnə ocağının başlanğıcından sonuna qədər, türk milləti və dövlətlərinə qarşı ən alçaq və aşağı sözlər ilə nifrət, kin qusub yaman-yovuz yağdırdılar, belə ki, yığıncağın bir yerində mədahın birisi iki müsəlman dövlət başçılarının əleyhinə, şəriət, əxlaq və insanlıqdan uzaq olan sözlər ilə özü və onlara fərman verənlərin şəninə uyğun iftira, ihanət və təhqirləri uca səslə söylədi.
Bu irənc şou canlı olaraq mərkəzi televiziya kanallarından yayıldı, yayıldı ki, fars şovinizminin sistematik olaraq nifrət və düşmənliyi, türk milləti əleyhinə Açıq aşkara sərgiyə qoyulsun.

Əslində belə davranışlar bir rejimin necə zəyif və çarəsiz qaldığının subutu dur və dağılmağa doğru gədən yolda addımlarının səsi, həmdə böyük çöküşün əlaməti dir.
Təbii olaraq söyüş və iftiralara məruz qalan dövlət başçıları, dövlət ağlı və diplomatik qayda ilə o alçaq nümayişə necə yanaşacaqlarını yaxsı bilirlər.
Ancaq bir güney Azərbaycanlı olaraq vurğulamalıyam ki hər hədəf, vəsilə və davranış ilə müsəlman və türk millət və dövlətləri arasında ayrımcılıq və fitnə yaratmağa çalışan qüvvələri xəyanət sayarkən kəsgin şəkildə qınayıram.
Sonunda isə deməliyəm bu oyunlar su üzündə üzən köpüklərə əl atmaqdan başqa birşey deyil dir.

Türk dünyası özəlliklədə Güney Azərbaycan türkləri uzun zamandır ki, doğru yolu tapmışdır. O üzdən də fitnə, azdırıcı və uydurucu oyunlar bizi və gənclərimizi doğru yoldan döndərə bilməz.

Abbas Lisani