Contact Us

SON XƏBƏRLƏR

Huqo Almeyda: oyunun ortasında İran hökuməti İsrailə hücum etdi

2025.02.08, 13:32
Huqo Almeyda: oyunun ortasında İran hökuməti İsrailə hücum etdi

Portuqaliyanın “Sabado” jurnalı İspaniyanın keçmiş futbol ulduzu və keçmiş Sepahan köməkçi məşqçisi Huqo Almeyda ilə müsahibə apararaq onun İranla bağlı qorxunc xatirələrindən bəhs edib.

Gunaz.tv

Günaz TV "Iranwire"a istinadən xəbər verir ki, Huqo Almeyda bu portuqal mediasına verdiyi müsahibəsində deyib: “Biz Asiya Çempionlar Liqasında bir oyun keçirirdik. Birdən yer titrədi və azarkeşlər tribunalardan ayağa qalxaraq stadionun üstündən səmanı izləməyə başladılar. Titrəyiş davam edirdi və stadionda qəribə səslər eşidilirdi. Sonra texniki göstəriş vermək üçün kənara getdiyim zaman göydə parlaq qırmızı işıq gördüm. Fasilədə baş verənləri soruşduq, amma heç kim bir şey bilmirdi. Daha sonra öyrəndik ki, İran İslam Respublikası İsrailə raket hücumu edib.”

O, Sabadoya müsahibəsində əlavə edib: “Biz həmişə narahat idik. Xüsusilə də raketlərin stadionumuzun yanından keçdiyini öyrəndikdə. İsfahan çoxlu hərbi obyektlərə malik bir şəhərdir və onun yaxınlığında nüvə bazası da var.”

Portuqaliya jurnalı reportajın girişində bildirib ki, Huqo Almeyda İspaniya, Türkiyə, Makedoniya, Rusiya və Dağıstanda yaşayıb. Ancaq İranda yaşamaq onun üçün ən qorxulu və təhlükəli təcrübə olub.

Huqo Almeyda müsahibənin başqa bir hissəsində deyib: “İran hökuməti üçün heç bir ölçü və standart yoxdur. Onlar öz vətəndaşlarını küçələrdə, hətta evlərində belə təzyiq altında saxlayırlar. Sadə insanlar sadəcə inanclarına görə evlərində həbs edilirlər.”

 

C

Açar Sözlər :

SEÇİLMİŞ XƏBƏRLƏR

Çox oxunanlar