Trampın nümayəndəsi Moskvaya niyə getdi?

SON XƏBƏRLƏR

Trampın nümayəndəsi Moskvaya niyə getdi?

2025.02.12, 11:16

Xəbər verdiyimiz kimi, 11 fevral tarixində Vaşinqtondan qalxan “Qolfstrim G650ER” şəxsi təyyarəsi Moskvanın Vnukovo aeroportuna enib.

Gunaz.tv

Məlumata görə, təyyarə ABŞ Prezidenti Donald Trampın Yaxın Şərq üzrə xüsusi nümayəndəsi Stiven Uitkofla bağlıdır.

“Flightradar” xidməti “Qolfstrim G650ER” təyyarəsinin Moskva vaxtı ilə səhər saat 10 radələrində Vnukovo hava limanına endiyini bildirib.

Stiven Uitkofun Rusiyaya səfəri ABŞ-ın yüksək rütbəli rəsmisinin son bir neçə ildə bu ölkəyə etdiyi ilk səfərdir. ABŞ-Rusiya arasında birbaşa təmaslar Rusiyanın Ukraynaya müdaxiləsindən sonra kəsilib. Stiven Uitkofun Rusiyaya səfər etməsinin səbəbi bilindi. Belə ki, ötən gün ABŞ prezidentinin Yaxın Şərq üzrə xüsusi nümayəndəsi Stiven Uitkof Moskvaya məhz Fogelə görə səfər edibmiş.

Fogel çərşənbə axşamı axşam saatlarında Amerika bayrağına bürünərək Ağ Evə gəldi və Tramp tərəfindən qarşılandı. “Hamınıza təşəkkür edirəm və mən ölkəmizi sevirəm və buraya qayıtdığım üçün çox xoşbəxtəm. Kaş ki, bunu daha yaxşı ifadə edə biləydim” Fogel açıqlaması zamanı bildirdi.

“Markın evə qayıtmasına icazə vermələrini çox yüksək qiymətləndirirəm. Prezident Putinin gördüyü işləri yüksək qiymətləndiririk”, - ABŞ Prezidenti Donald Tramp bildirib.

Tramp Rusiya ilə amerikalının geri qaytarılması üzrə razılaşmanın şərtlərini çox ədalətli adlandırıb və əlavə edib ki, çərşənbə günü Rusiyada saxlanılan daha bir nəfər azadlığa buraxılacaq. ABŞ prezidenti həmin şəxsin adını açıqlamayıb.

Qeyd edək ki, Mark Fogel Moskvada Anglo-Amerikan Məktəbində müəllim işləyib və əvvəllər ABŞ-ın Rusiyadakı səfirliyinin əməkdaşı olub. Fogel 2021-ci il avqustun 14-də Nyu Yorkdan uçarkən Moskva hava limanında saxlanılıb. Saxlanılan zamanı onun çamadanında marixuana və həşiş yağı aşkar edilib. O, narkotik qaçaqmalçılığına görə 14 il müddətinə azadlıqdan məhrum edilib.

GUNAZ.TV

SON XƏBƏRLƏR