Contact Us

SON XƏBƏRLƏR

Ermənilər İstanbulun Taksim meydanında yenidən meydan oxudular

2021.10.20, 07:36
Ermənilər İstanbulun Taksim meydanında yenidən meydan oxudular

Gunaz.tv

GünAz TV: Keçən həftə İstanbulun Taksim meydanında keçirilən Xocalıya dəstək mitinqində açılan bəzi şüarlara qarşı yürüş keçirilib.

Yürüş bu adla başlasa da ermənilər üçün əzələ nümayişinə çevrilib. Taksim İstiqlal prospekti (xiyabanı) “Qalatasaray” meydanında keçirilən yürüşdə  “Azadlıq və Həmrəylik” partiyası, Azərbaycan əsilli sosialistlər, AKA-DER, Sülh üçün sənət təşəbbüsü, Gürcü Mədəniyyət mərkəzi, Xalqların Demokratik şurası, ermənilərə aid “Jıneps” qəzeti, Laz məktəbi və bir çox ictimai təşkilat iştirak edib. Anamüxalifətçi Cumhuriyyət Xalq partiyası (CHP) millət vəkili Mahmud Tanal, bəzi jurnalist və aktyorların (bazigərlər) iştirak etdiyi yürüşdə irqçiliyə qarşı fikirlər səsləndirilib.

 Yrüşdə, “İrqçiliyə qarşı xalqların qardaşlığı üçün irəliləyirik”, “Yaşasın xalqların qardaşlığı”, “Türkün türkdən başqa dostu var”, “Faşizmə keçid yoxdur”, “Nifrət sizin, humanizm (insani) bizim”, “İrqçiliyə yol verməyəcəyik” kimi şüarlar açılıb.

 Qeyd edək ki, yürüşdə Azərbaycan əsilli Mətləb Muxtarov erməni Sayad Təkirlə yanaşı dayanaraq jurnalistlərə poz verib.

GünAz TV mətbuat mərkəzinin “Ans press”-ə istinadən yaydığı məlumata görə, Qrup adına mətbuata açıqlama verən “Jıneps” qəzetinin əməkdaşı Yaşar Güven keçən həftə Xocalıya dəstək bəhanəsiylə Daxili işlər nazirliyinin nəzarətində ermənilərə və bütün xalqlara qarşı kin və nifrət ifadə edildiyini iddia edib. “Təhqir etdilər, hədələdilər. Məqsəd heç də Xocalı qətliamı deyildi. Bu, 1915-ci ildə bir xalqın bütün mədəniyyəti, ictimai qurulşu, tarixi mirasının yox edilərək kökündən qazınması, “soyqırımı” həqiqətinin inkar edilməsi idi. Dövlət Fransada məlum qanunun qəbul edilməsini də bəhanə edərək erməni düşmənçiliyini körükləyir. Amma bu o qədər də ucuz deyil. Budur buradayıq. Çoxuq. Bu yerin xalqları erməniləri tək buraxmayacaq”.

Xatırladaq ki, bu ermənilərin Taksim meydanında türklərə qarşı ilk meydan oxuması deyil və belə yürüşlər ənənə halını almağa başlayıb. N.S

SEÇİLMİŞ XƏBƏRLƏR

Çox oxunanlar