Contact Us

SON XƏBƏRLƏR

KİV: Ağ Ev İrana qarşı yeni sanksiyaların tətbiq edilməməsi barədə göstəriş verib

2025.06.02, 11:23
KİV: Ağ Ev İrana qarşı yeni sanksiyaların tətbiq edilməməsi barədə göstəriş verib

Ağ Ev İrana qarşı yeni sanksiyaların tətbiq edilməməsi barədə göstəriş verib.

Gunaz.tv

Bu barədə “Wall Street Journal” öz mənbələrinə istinadən məlumat yayıb.

Ötən həftə Ağ Evin mətbuat katibi Karolin Livitt dövlət departamentinə, xəzinədarlıq departamentinə və Milli Təhlükəsizlik Şurasına İrana qarşı yeni sanksiyalar tətbiq etmək üçün bütün səyləri dayandırmağı tələb edən direktiv göndərib.

Bununla da Amerika prezidenti Donald Trampın gündəmə gətirdiyi "yüksək təzyiq" siyasəti hələ ki, dayanmış olub.

Livittin müavini Anna Kelli nəşrə verdiyi şərhdə bu məlumatı birbaşa təkzib etməyib, lakin sanksiyalarla bağlı istənilən yeni qərarın ya Ağ Ev, ya da müvafiq departamentlər tərəfindən elan ediləcəyini bildirib.

Qəzet qeyd edib ki, Vaşinqton sonuncu dəfə mayın 21-də Tehrana qarşı məhdudiyyətlər tətbiq edib, o vaxtdan bəri Maliyyə Nazirliyi yeni sanksiyaların elanını ən azı iki dəfə təxirə salıb.

Bununla belə, neft satışı və dondurulmuş İran aktivləri ilə bağlı əsas məhdudiyyətlərin qüvvədə qalacağı gözlənilir. Lakin Tramp administrasiyasının bəzi rəsmiləri fasilənin müddəti və əhatə dairəsi ilə bağlı aydınlığın olmamasından narahatdırlar. 

Bəzi mütəxəsislər hesab edir ki, bu yolla Amerika İranı nüvə danışıqların razılaşdırmağa meylləndirmək istəyir.

 

C

Açar Sözlər :

SEÇİLMİŞ XƏBƏRLƏR

Çox oxunanlar