Contact Us

SON XƏBƏRLƏR

Washington Post: İranın zənginləşdirmə imkanları zərər görməyib

2025.06.14, 11:54
Washington Post: İranın zənginləşdirmə imkanları zərər görməyib

İsrailin İranın nüvə infrastrukturuna aviazərbələri yerüstü obyektlərə ziyan vurub, ancaq dərin basdırılmış sentrifuqaları və ya ölkənin nüvə silahı əldə etməyə yaxın olan uran ehtiyatını məhv etməyib.

Gunaz.tv

Analitiklər İranın nüvə zənginləşdirmə imkanlarının, xüsusən də Fordo və Natanz kimi möhkəmlənmiş ərazilərdə hələki toxunulmaz olaraq qaldığını bildirirlər.

"Fordo məhv edilməyənə qədər və ciddi ölçüdə zənginləşdirilmiş uranın aqibətini bilməyənə qədər, [İran görəsən nə zaman nüvə silahı əldə edəcək deyə] bizim bir gözümüz saatda olmalıdır." - deyə Amerikanın keçmiş nüvə müzakirəçisi və Yaxın Şərq Siyasəti üzrə Vaşinqton İnstitutunun əməkdaşı Riçard Nefyu bildirib.

Qeyd edək ki, İranın iki əsas zənginləşdirmə obyekti olan Fordo və Natanz yerin dərinliklərində möhkəmləndirilib.

“Washington Post”un istinad etdiyi ekspertlər bildiriblər ki, yalnız Amerika istehsalı olan "Massive Ordnance Penetrator" tipli bombalar belə istehkamlara zərər verə bilər. İsrailin isə belə silahları yoxdur.

Silahlara Nəzarət Assosiasiyasından Kelsi Davenport deyib: “İsrail İranın əsas nüvə obyektlərinə zərər verə bilər, lakin İsrail Amerikanın hərbi yardımı olmadan Fordo kimi möhkəmlənmiş əraziləri məhv edə bilməz”.

Analitiklər tərəfindən nəzərdən keçirilən peyk görüntülərinə görə, Natanzdakı zərbələr elektrik infrastrukturunu sıradan çıxıb və kiçik bir tədqiqat obyektini məhv edilib, lakin yeraltı istehsal sahəsi ciddi zərər görməyib.

Midlberi İnstitutundan Cefri Lyuis İranın kritik komponentlər istehsal etməyə davam edə biləcəyi barədə xəbərdarlıq edib.

"Natanzdakı sentrifuqa istehsal zalı zədələnməmiş görünür. Ona görə də mən güman edirəm ki, onlar zənginləşdirməyə davam edəcəklər." - deyə o bildirib.

Keçmiş Mərkəzi Kəşfiyyat İdarəsinin analitiki Kennet Pollak isə İsrailin İranın nüvə proqramını daha da zəiflətmək üçün kiberhücumlar və ya xüsusi əməliyyatlar da daxil olmaqla başqa taktikalara əl atmalı olduğunu deyir.

 

- Cəfər Cəfərli

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar