Contact Us

SON XƏBƏRLƏR

Dünya ölkələrində Xocalı Soyqırımı ilə bağlı tədbirlər davam edir

2021.10.20, 07:36
Dünya ölkələrində Xocalı Soyqırımı ilə bağlı tədbirlər davam edir

Gunaz.tv

GünAz TV: İsveçin Göteborq şəhərində fəaliyyət göstərən "Qarabağ-Azərbaycan" dərnəyinin və Göteborq Biskopsqarden kilsəsinin birgə təşkil etdiyi Xocalı soyqırımı ilə bağlı tədbir yüksək səviyyədə keçirilib.

Bu barədə “Qafqazinfo”ya "Qarabağ-Azərbaycan" dərnəyinin sədri Ceyhun Əfşar məlumat verib.

 “Xocalı soyqırımının necə baş verməsi, insanların vəhşicəsinə soyqırım edilməsi, erməni və rus birləşmələrinin uşaq, qadın və qocaların necə amansızcasına öldürməsi toplantı iştirakçılarının diqqətinə çatdırılıb.

 Xocalı soyqırımını əks etdirən fotoların sərgilənməsi toplantı iştirakçılarının böyük marağına səbəb olub. Hadisələrlə bağlı isveçlilər bir sıra suallar ünvanlayıblar, onların sualları yüksək səviyyədə cavablandırılıb.

 Daha sonra isə ümumi şəkildə Azərbaycanın tarixi, mədəniyyəti haqqında bilgi verilib. Onu da əlavə edib ki, tədbiri yerli isvec vətəndaşı aparıb”,-deyə Ceyhun Əfşar bildirib.

Daha bir xəbərə görə, Moskvada Xocalı soyqırımına etiraz olaraq havaya 613 qara şar buraxıldı.

Paytaxt Moskvada keçirilən xatirə tədbirində 1000-dən çox insan iştirak edib.

Rusiyada Xocalı soyqırımı ilə əlaqədar tədbirlər dünən də davam edib. Paytaxt Moskvada keçirilən xatirə tədbirində 1000-dən çox insan iştirak edib. Ukrayna otelində baş tutan tədbir Rusiya Azərbaycan Gənclər Birliyi və Azərbaycanın Rusiyadakı Səfirliyinin təşkilatçılığı ilə keçirilib. Tədbir öncəsində isə fəallar 613 ədəd qara rəngli şarı havaya buraxıblar. Tədbirdə Azərbaycanın Rusiyadakı səfiri Polad Bülbüloğlu Xocalı soyqırımı ilə bağlı çıxış edib. N.S

SEÇİLMİŞ XƏBƏRLƏR

Çox oxunanlar