Contact Us

SON XƏBƏRLƏR

Naxçıvan İran tərəfindən yanacaq blokadasına alındı

2021.10.20, 07:36
Naxçıvan İran tərəfindən yanacaq blokadasına alındı

Gunaz.tv

GünAz TV: İran İslam Respublikası (cümhuriyyəti) muxtar respublikaya benzin və dizel yanacagı daşınmasına yasaq qoyub.

İran Bakıdan Naxçıvan Muxtar Respublikasına (MR) yanacaq daşınmasını qadağan edib. Daha dəqiq desək, artıq 10 gündür İran tərəfi yanacaq daşıyan iri yük maşınlarının Naxçıvana getməsinə imkan vermir. Baş verənlər isə istər-istəməz bölgə əhalisi arasında ciddi narahatlığa səbəb olub. İnsanlar qışın bu vaxtında yanacağın qıtlaşacağından ehtiyatlanırlar.

Bu barədə “Yeni Müsavat”a MR-dəki mənbələrdən məlumat verilib. Onun sözlərinə görə, İran bölgədə narazılıq yaratmaq məqsədilə belə bir addım atıb: “İran İslam Respublikasının səlahiyyətli qurumları bəyan edib ki, Naxçıvana yanacaq daşıyan yük maşınları guya standartlara cavab vermədiyi üçün İran tərəfi belə bir addım atıb. Əslində isə bu məsələnin kökündə başqa şeylər dayanır. Məqsəd muxtar respublikada narazılıq yaratmaqdır”.

Naxçıvana yanacaq daşınmasına müəyyən əngəllərin törədildiyini söyləyən mənbə eyni zamanda yanacağın qiymətinin hələlik dəyişməz qaldığını dedi: “Bununla belə əhali arasında panika (qorxu) yaşanır. Son günlər əhali daha çox yanacaq əldə etmək məqsədilə bölgədəki yanacaqdoldurma məntəqələrinə axın edib. Naxçıvan MR rəhbərliyi isə yaranmış panikanın qarşısını almaq üçün bəzi addımlar atmağa məcbur olub. Belə ki, Naxçıvan MR Ali Məclisinin sədri Vasif Talıbovun göstərişi ilə benzin və solyarkanın (qazoil) satışına limit (məhdudiyyət) qoyulub. Bu limit əsasında alınan yanacağın qiyməti 85 qəpikdən 55 qəpiyə endirilib. Bundan əlavə, yanacaqla işləyən maşınlara limit qoyulub. Solyarka ilə işləyən maşınlara gün ərzində 20 litrdən artıq yanacaq verilmir. Əhali təlaş içindədir. Sakinlər yanacağın kəskin bahalaşacağından ehtiyat edirlər”.

Mənbənin sözlərinə görə, İranın bu addımına cavab olaraq Naxçıvan MR hökuməti də bu ölkədən ərzaq məhsulları (un məmulatları, toyuq əti, yumurta, şəkər və s.) və meyvə-tərəvəz gətirilməsinə ciddi qadağa tətbiq edib. Yeni müsavat

N.S

 

SEÇİLMİŞ XƏBƏRLƏR

Çox oxunanlar