Gün.Az TV mətbuat mərkəzinin növbəti müsahibi, Dünya Azərbaycanlıları Konqresi İdarə Heyətinin üzvü və Azərbaycan nümayəndəliyinin rəhbəri Səftər Rəhimlidir.

- Səftər bəy, bu yaxınlarda Təbriz ziyalıları adı altında özlərini təqdim edən bir qrup insanın Azərbaycanın əleyhinə bəyanatının şahidi olduq. Sizcə, İran rejimi bununla nəyə nail olmaq istəyir?

- Misir və Liviyadaki (Libi) diktator rejimlərin çökərək  arxasında daha da  acı  xatirələr buraxmasından həmən  sonra,  ən səmimi müttəfiqi   olan Suriyadakı Əsəd rejiminin dağılma səhnəsini seyr edən İran diktator rejimi çarəsizlikdən  ciddi psixoloji (rəvani) sarsıntı yaşamaqdadır.

Tehran diktator rejimi  ömrünün başa çatmasının  artıq son günlərini saymaqla yanaşı həm də çox təəssüflər olsunki, yenə də rejim son nəfəsində həddindən artıq çirkin oyunlar  oynamağa başlamışdır. Belə ki, fars şovinst rejimi ömrünun  uzadılmasını  bir azda sürdürmək üçün sapı özümuzdən olan  “ziyalılar” adı altında bir  kəsimi  müxtəlif yollarla  fəallaşdırmağa calışır və Azərbaycan Türklərinin içinə nifaq salmaqla onları qarşı-qarşıya qoyaraq parçalamaq istəyir. Bu bölgədə tarixi ədalətsizliyə məruz qalmış Azərbaycanlıların  fəaliyyətlərinin Milli hədəfləri istiqamətində deyil enerjilərini daxili catışmalara yönəldmək niyyətindədir.  Tehran rejimi eyni ilə İran-İraq savaşı dönəmində olduğu kimi, fərqli adlar altında toplantılar təşkil etməklə insanları qondarma  “ İrançılıq”  ideologiyasının müdafiəsi istiqamətində aktiv hala gətirmək üçün dəridən qabıqdan çıxır. Acınacaqlı olsada rejim yenədə qəflət yuxusunda yatan bəzi  “azərbaycanlıları” özünün şər toruna salaraq istifadə edə bilir . Tehran rejimi ənənəvi  qaniçən siyasətini   sürdürmək üçün əvvəlcədən başda Qum şəhərində hazırladığı ”din adamaları” olmaqla , dünyanın fərqli ölkələrinin strateji mərkəzlərinə öncədən yerləşdirərək bu günü üçün  bəslədiyi rejim kölələrini yavaş-yavaş hərəkətə gətirməyə başlamışdır.

- Rejimin Quzey Azərbaycanla bağlı siyasətində nələr durur?

- Təbii İran şovinist rejimi Azərbaycanın Quzeyində də sakit oturmayıb, uzun zamandır sistemli çalışmalar aparmaqdadır. Əgər otaylı-butaylı  milli passionar (qüvvə) güclərin toparlanaraq bir araya gələrək gec olmadan  bir çözüm yolu tapa bilməzlərsə, çox keçməz Azərbaycanın quzeyində də  bir azdan onların gərçək simalarını görəcəyik. Bəzən gözləmədiyimiz halda Tehran diktator  rejiminin Bakı təmsilçilərini, müxtəlif şəbəkələrdə yerləşdirilən rejim  müdafiəçilərinin, bəlli  mövzularla orataya atılacaqlarını görəndə şaşıracağıq. Rejim təmsilçiləri  dövlət məmuru, millət vəkili, QHT (Qeyr hökumət təşkilatı) təmsilçisi, Partiya rəhbəri və.s qruplardan da olaraq ortaya çıxa  bilər. Təmsilçilərin fəaliyyətlərinin əsas mahiyyəti İranın bütünlüyü,” İrançılığın “ qorunmasının  şərəf, namus məsələsi olduğunu insanlara catdıraraq onları uydurduqları yalana inadırmaqdır.

- Bu insanların əsas məqsədi və istəyi nədir?

- İran  diktator rejiminin müdafiəçiləri  olan bəzi “ziyalılar”  rejimin özünün Uca Allah tərəfindən verilən təbii  haqqını istədiyinə görə, Güney Azərbaycan Milli Hərəkatının fəal  üzvlərinə, xüsusiylə  Azərbaycan türk xanımlarına ETTELAAT və İnqilab Keşikçiləri (Pasdarlar ) tərəfindən, Tehranda Evin zindanında , ETTEAATın Təbriz həbsxanasında  xüsüsi cəza proqramları həyata keçirərkən və minlərcə qadın öz doğal haqqını istədiyinə  görə vəhşicəsinə işgəncələrə məruz qalarkən , alçaldılaraq  təhqir edilərkən,  görəsən bu  “ziyalılar” səslərini nədən  çıxarmadılar, bəs   nədənsə şərəf və namus məsələsi o zaman heç  yada düşmürdü. Bəs nə oldu ki, İndi İran dağılır parçalanır  deyə ortaya atılıblar və Azərbaycan Türklərinin iki yerə   parçalanması, bölünməsi  bütün milli dəyərlərinin vəhşicəsinə dağıdılması üzərində, milli şəxsiyyətlərin  vəhşicəsinə öldürülməsi, vətənindən didərgin salınması, doğma  eli, obası üzərində yaradılan  qondarma bir “İrançılıq” ideologiyasının təsssübkeşinə çevrildilər. Bir zamanlar fars şovinist rejimi qurulduğunda da eyni adlı sapi özümüzdən olan satqınlardan , xainlərdən dəfələrlə istifadə edildi. Amma unudulmamalıdır ki, tarixən olduğu kimi,rejim öz çirkin məqsədlərini həyata keçirərək   istifadə edəndən sonra ,apardığı siyasətin  şəriyi olmuş hər kəsi  kimliyindən asılı olmayaraq  bir-bir aradan götürmüşdür və  yenədə gotürəcəkdir. İran rejimi son zamanlar mahiyyətinə yaraşan bir şəkildə  yeni-yeni ölüm taktikləriylə birlikdə  və  başda “maşınla təsadüfən  adam vurma” əməliyyatı  olmaqla  bir gün bu ziyalılarında ölüm fərmanlarını  verəcəkdir. Diqqətlə izləsəniz görəcəksiniz ki, Tehran diktator rejimi son zamanlar  imkan olan kimi xüsusiylə   Milli fəalları eyni adlı “təsadüf” hadisələrlə   avtomobil qəzalarına salmaqla  ortadan qaldırır. Bu gün “ziyalılar” adı  altında toplantılar düzənləyən rejim qulları unutmamalıdırki, İran şovinist rejimi öz istəyini həyata keçirmək üçün onlardan istifadə edir və  hələlik gec deyil bu yoldan geri çəkilmələrində bir yarar vardır. Ək halda onların gələcək taleyi indidən aydın görünməkdədir.

Unutmayın Tehran rejiminin “ziyalıları”, İran çökür və dağılır. İran şovinist rejiminin indiki durumunda   əsas savaşı Türklərlədir. Tehran şovinist rejimi üçün isə Türkün hansı mövqedə olması o qədər də əhəmiyyət kəsb etməməkdədir.

Söhbətləşdi: Elnur Eltürk