Tramp: “İran səhvə yol verib nəsə etməyə çalışsa, çox ağır xəsarət alacaq”

SON XƏBƏRLƏR

Tramp: “İran səhvə yol verib nəsə etməyə çalışsa, çox ağır xəsarət alacaq”

2021.10.20, 07:36

Gunaz.tv

GünazTV: ABŞ prezidenti Donald Tramp mayın 13-də Vaşinqtona səfər edən Macarıstanın baş naziri Viktor Orbanla Ağ Evdə görüşündən sonra jurnalistlərə açıqlamasında İrana bölgədə apardığı təxribat xarakterli fəaliyyətinə görə kəskin xəbərdarlıq edib.

Trampın İrana xəbərdarlığı, körfəzdə Fuceyrə limanı yaxınlığında Birləşmiş Ərəb Əmirliklərinə və Səudiyyə Ərəbistanına məxsus 4 neft tankerinə qarşı edilən müəmmalı hücumdan bir gün sonraya təsadüf edib.

Tramp bildirib ki, əgər İran körfəzdə düşünülməmiş addım atıb hansısa bir səhvə yol versə, bu onun üçün çox ağır başa gələcək: “Mən İranla bağlı çoxlu xoşagəlməz xəbərlər eşidirəm. Əgər İran nəsə etməyə çalışsa və hansısa olaylar baş versə, böyük çətinliklərlə üz-üzə qalmalı olacaq və ağır əzab-əziyyətlə rastlaşacaq. O (İran) həmin səhvinə görə də ağır xəsarət alacaq. Onlar (İran rejimi) yol verdikləri səhvin nəticələrindən heç də sevinməyəcək, məmnun qalmayacaqlar. Onlar mənim nə dediyimi yaxşı başa düşürlər. Nə baş verəcəyini görəcəyik”.

Xatırladaq ki, mayın 12-də Hörmüz boğazının 70 mil məsafəsində yerləşən Füceyrə limanı yaxınlığında lövbər salan Birləşmiş Ərəb Əmirliklərinə və Səudiyyə Ərəbistanına məxsus dörd gəmidə partlayış baş verib və yanğın nəticəsində həmin gəmilərə çoxlu xəsarət dəyib.

Fuceyrə limanında neft daşıyan tankerlərə bombalı hücumun mənşəyi dəqiq bilinməsə də, İranın və ona bağlı muzdlu silahlı qruplaşmaların bu partlayışlarda əli olduğu təxmin edilir.

Bildirilir ki, tankerlər Ras Tanura limanından yüklədikləri Səudiyyə neftini “Aramco” şirkətinin ABŞ-dakı müştərilərinə aparırmışlar.

A.M

GUNAZ.TV

SON XƏBƏRLƏR