Bakıda keçiriləcək hərbi parada 5 min nəfərdən çox şəxsi heyət qatılacaq

SON XƏBƏRLƏR

Bakıda keçiriləcək hərbi parada 5 min nəfərdən çox şəxsi heyət qatılacaq

2021.10.20, 07:36

Gunaz.tv

GünAz TV: Bakı şəhərində Azərbaycanın dövlət müstəqilliyinin 20-ci ildönümü və Silahlı Qüvvələr Günü münasibəti ilə keçiriləcək hərbi paradda (rejədə) 2008-ci illə müqayisədə daha çox şəxsi heyətin iştirakı planlaşdırılır.

GünAz TV-nin məlumatına görə, bu barədə APA-ya hərbi mənbələrdən məlumat verilib.

Paradda Silahlı Qüvvələrin bütün qoşun növləri – Quru Qoşunlarının ordu korpusları, hərbi lisey (orta məktəb, dəbiristan) və məktəblər, xüsusi təyinatlılar, sülhməramlılar, Milli Təhlükəsizlik Nazirliyi, Sərhəd Qoşunları, Daxili Qoşunlar, Milli Qvardiya (Qard), Mülki Müdafiə Qoşunları, dəniz piyadaları, Hərbi Dəniz Qüvvələri, Sahil Mühafizəsi, Hərbi Hava Qüvvələri iştirak edəcək. Həmçinin Azərbaycan ordusunun arsenalındakı (anbarındakı) ən yeni silah və hərbi texnikalar sərgilənəcək.

Mənbənin məlumatına görə, tribuna önündən keçəcək bəzi qoşun növlərinin şəxsi heyətinin sayında ötən dəfə ilə müqayisədə iki dəfə artım var. Belə ki, paradda Sərhəd Qoşunları, Daxili Qoşunlar və Milli Qvardiya hər biri 80 nəfərdən ibarət bölük şəklində keçəcəklər. Ümumilikdə paradda iştirak edəcək şəxsi heyətin sayının 5 min nəfərdən çox olacağı gözlənilir.

Artıq paradda iştirak edəcək hərbi texnikaların məşqlərinə də başlanıb. Texniki hazırlıq Müdafiə Nazirliyinin Bakı qarnizonundakı (padiqanındakı) hərbi hissələrinin birində keçirilir. Paralel (muvazi) olaraq hərbi aviasiya (hava qüvvələri) Bakı səmasında məşqlər həyata keçirir.

Qeyd edək ki, 2008-ci il iyunun 26-da Bakı şəhərində keçirilən hərbi paradda Azərbaycan Silahlı Qüvvələrinin 4510 hərbçisi, 210 döyüş texnikası, 19 vertolyot (helikopter), 25 döyüş təyyarəsi, 31 gəmi və kater (qayıq) iştirak edib.

GUNAZ.TV

SON XƏBƏRLƏR