İran kompüterlərində dolaşan virusun arxasında hansı qüvvə dayanır?

SON XƏBƏRLƏR

İran kompüterlərində dolaşan virusun arxasında hansı qüvvə dayanır?

2021.10.20, 07:36

Gunaz.tv

GünAzTv: Virusun mətnində yəhudilərlə farslar arasında qarşıdurmadan danışan qədim Eşter Kitabına işarə var.

İranın Buşəhr nüvə təsisatında fərdi kompüterlərə nüfuz edən «Stuxnet» adlı kompüter virusunun proqramında İsrailin barmağı aşkara çıxıb. Mütəxəssislər belə bir virus proqraının hazırlanması üçün 3 milyon dollar vəsait təmin edildiyini əsas götürərək virusun arxasında yalnız hansısa dövlətin dayana biləcəyini düşünürlər və bu dövlətin İsrail olduğuna dair tutarlı dəlil ortaya çıxıb. Kompüter proqramlaşdırması tarixində ən mükəmməl virus olaraq qiymətləndirilən «Stuxnet»in fayllarından birinin adında qədim dini hekayətlərdən olan Eşter Kitabına işarə tapıldığı bildirilib. Həmin hekayətdə yəhudilərin onları yer üzündən silmək istəyən farsların hücumunu əngəlləməsi səhnəsindən danışılır. Bu baxımdan İsrailin İranın nüvə planlarını əngəlləmək cəhdlərinin məhz həmin hekayətdəki hadislərlə müqayisə olunduğu və buna işarə edildiyi düşünülür. Dünya boyunca 100 min kompüterə nüfuz etdiyi ehtimal olunan «Stuxnet» virusu böyük fabriklər və nüvə stansiyaları kimi təsisatlarda istifadə olunan «Siemens Simatic WinCC SCADA» sistemli kompüterlər üçün hazırlanıb və İranın da nüvə təsisatlarının əksəriyyəti bu alman texnologiyasından istifadə etməkdədir. Mütəxəssislərə görə, belə bir virus proqramını yazmaq üçün 10 yüksək ixtisaslı proqramçının ən azı 6 ay işləməsi tələb olunur və ümumi xərcləri 3 milyon dolları aşır. Bir kompüter virusu üçün belə bir büdcəni isə yalnız dövlətin ayıra biləcəyi düşünülür.Prqramda yer alan «Mrytus» faylının Eşter Kitabına işarə olduğu güman edilir. «Mrytus» sözünün mənası «çöl mərsini» (Yaxın Şərqdə yayılmış adi çöl bitkisi) deməkdir. Yəhudilər Eşteri «Hadassah» adlandırırlar ki, bu da «çöl mərsini» sözü ilə sinonimdir. Bu əlaqəni Eşter Kitabının ekspertləri də təsdiqləyiblər. Amma bəzi müşahidəçilər bu işarənin məhz İsraili açıq hədəfə olaraq göstərmək məqsədilə qoyula biləcəyini də istisna etmirlər.

GUNAZ.TV

SON XƏBƏRLƏR