Contact Us

SON XƏBƏRLƏR

Edvard Nalbandyan cəfəng açıqlamaları ilə yenidən gündəmə gəlib

2021.10.20, 07:36
Edvard Nalbandyan cəfəng açıqlamaları ilə yenidən gündəmə gəlib

Gunaz.tv

GünAzTv: ABŞ-da (Amerika Birləşmiş Ştatları) səfərdə olan Ermənistan xarici işlər naziri Edvard Nalbandyan cəfəng açıqlamaları ilə yenidən gündəmə gəlib.

GünAzTv mətbuat mərkəzinin SİA-ya istinadən yaydığı məlumata görə, işğalçı ölkənin xarici siyasət idarəsinin başçısı Boston Universitetinin Hüquq və Diplomatiya Məktəbində Dağlıq Qarabağ münaqişəsi ilə bağlı danışaraq həqiqətləri növbəti dəfə gizlətməyə çalışıb.

Azərbaycanın Madrid prinsiplərinin yenilənmiş variantını qəbul etməsi, Ermənistanın isə bu prinsiplərlə razılaşmaması ilə bağlı irəli sürülən iddialara cavab olaraq E.Nalbandyan bunları deyib: “Minsk qrupunun həmsədrləri 2007-ci ilin noyabrında tərəflərə Madrid sənədini rəsmi olaraq təqdim etdilər. Bundan sonra Madrid sənədi çərçivəsində tərəflərə 20-dən çox təklif olunub. Son bir neçə aydakı sıx müzakirələrdən sonra tərəflərə Madrid sənədinin son versiyası bu ilin iyun ayında Sankt-Peterburqda təqdim edilib və bunun 2007-ci ildə təqdim edilən sənədin ilk versiyasına bağlı hesab etdiyimiz üçün müzakirələrə əsas olaraq tərəfimizdən qəbul edilib. Azərbaycan həm ilk, həm də son variantı rədd edir. Azərbaycan bunu istisnalarla qəbul edəcəyini bildirirlər. Ancaq məlum oldu ki, istisnalar qəbul edilən maddələrdən daha çoxdur. İstisnalarla qəbul etmək nə anlama gəlir? Bu əslində qəbul etməmək mənasına gəlir. Azərbaycan beynəlxalq cəmiyyətin vasitəçi ölkələr vasitəsilə nə dediyini eşitmək istəmədikləri təəssüratı yaradırlar”.

Ermənistan xarici işlər naziri çıxışında son dövrlər atəşkəsin də tez-tez pozulduğunu diqqətə çatdıraraq buna görə Azərbaycanı günahlandırıb. Atəşkəs rejiminin yalnız 12 May 1994-cü ildə imzalanan Bişkek protokolu ilə deyil, həm də 4 Fevral 1995-ci il razılaşması ilə tənzimləndiyini deyən E.Nalbandyanın qənaətinə görə, rəsmi Bakı hər iki razılaşmanı pozur: “Azərbaycan iddialı bir şəkildə pozucu rəftarını davam etdirməkdədir. Bakı üzərinə götürdüyü öhdəlikləri yerinə yetirmir. Azərbaycan bu gün də üç həmsədr, hətta BMT baş katibi tərəfindən edilən atəşkəs rejiminin gücləndirilməsi, snayperlərin cəbhə xəttindən çəkilməsi kimi çağırışları rədd etməkdədir. Belə mövqeyin sülh üçün əlverişli bir mühit yaratmadığı açıq-aşkardır”.

SEÇİLMİŞ XƏBƏRLƏR

Çox oxunanlar