İngiltərədə azərbaycanlı siyasi məhbusların dəstəyində möhtəşəm Aksiya keçirilib

SON XƏBƏRLƏR

İngiltərədə azərbaycanlı siyasi məhbusların dəstəyində möhtəşəm Aksiya keçirilib

2021.10.20, 07:36

Gunaz.tv

GünAzTv: Soydaşlarımız İngiltərənin Leeds şəhərində İran rejiminin həbsxanalarında saxlanılan azərbaycanlı siyasi məhbuslarla bağlı dəstək aksiyasi keçiriblər.

2010-cu il sentyabr ayının 27-i (Mehr ayının 5-i), yerli vaxtla saat 12:00-də şəhərin mərkəzi kitabxanasının qarşısında baş tutun etiraz aksiyasında bir çox soydaşlarımız iştirak edib. Onlar əllərində plakat və səsləndirdikləri şüarlarla İranda azərbaycanlı türklərin milli hüquqlarını dilə gətirib və azərbaycanlı siyasi məhbusların qanunsuz həbsdə saxlanılmasına etiraz ediblər.

Aksiya iştirakçıları siyasi məhbusların ən ibtidai hüquqlarının tanınmamasını və Təbrizli xanim Səkinə Aştiyaniy barədə çıxarılan “Daşqalaq” hökmünü şiddətlə qınayıblar.

Aksiya iştirakçılarından olan Prof. Səbri Təbrizi çıxış edərək, İran rejimini millətimizə qarşı qərəzli siyasətini məhkum edib. O Səkinə Aştiyani haqqında çıxarılan hökmü qeyri insani və qeyri-demokratik hərəkət kimi qiymətləndirib.

Müxtəlif siyasi-ictimai qrupların iştirak etdiyi aksiyada Azərbaycan Federal-Demokrat Hərəkəti Təşkilatının mövzu ilə bağlı bəyanatı türkcə və Güney Azərbaycan Milli Azadlıq Cəbhəsinin (GAMAC) bəyanatı türk və ingilis dillərində icraçı heyət tərəfindən oxunub. Sonra ingilis dilində olan mətnlər əhali arasında yayılıb.

Həmçinin aksiya ilə yanaşı Yürüş Mehrəlibəyli, Zəhra və Həmidə Fərəczadə və Səid Mətinpur kimi məhbuslarımızla bağlı İmzatoplama kampaniyası da keçirilib.

Aksiya iştirakçıları arasında Qırmızı Simgəmizin xüsusi cazibə qazanması və o simgənin müxtəlif formalarda iştirakçılar arasında görünməsi bu aksiyanın digər yadda qalan hadisələrindən biri olub.

GUNAZ.TV

SON XƏBƏRLƏR