Contact Us

SON XƏBƏRLƏR

Tehranda Azərbaycan mədəniyyət günləri başladı

2021.10.20, 07:36
Tehranda Azərbaycan mədəniyyət günləri başladı

Gunaz.tv

GünAzTv: Mədəniyyət və turizm naziri Əbülfəz Qarayevin rəhbərlik etdiyi geniştərkibli Azərbaycan nümayəndə heyəti İrandadır.

Dünən Tehran şəhərində Azərbaycan mədəniyyət günlərinin rəsmi açılışı olub. Bu münasibətlə mədəniyyət və turizm naziri Əbülfəz Qarayevin rəhbərlik etdiyi geniştərkibli Azərbaycan nümayəndə heyəti Tehranda səfərdədir.      Nümayəndə heyətinin bir qrupu İranın islam irşadı və mədəniyyəti naziri Seyid Məhəmməd Hüseyni və İran prezidentinin müavini, Turizm, Mədəni İrs və Əl Sənayesi Təşkilatının sədri Həmid Bəqayi ilə görüşüb.      Ə.Qarayev Azərbaycan Respublikasının prezidenti İlham Əliyevin salamlarını qonşu və qardaş İran xalqına çatdırılmasını S.M.Hüseynidən xahiş edib. Azərbaycan dövlət müstəqilliyini bərpa etdikdən sonra İranda ilk dəfə Azərbaycan mədəniyyət günlərinin keçirildiyini diqqətə çatdıran nazir buna görə İran tərəfinə təşəkkürünü bildirib və qarşılıqlı mədəni tədbirlərin əhəmiyyətindən danışıb. Mədəniyyət günlərinin Tehran və Təbriz şəhərlərində keçiriləcəyini diqqətə çatdıran nazir bildirib ki, növbəti belə mərasimlərin Ərdəbil və İsfahan şəhərlərində də təşkil olunmasına şəriat yaradılacaq. Ə.Qarayev vurğulayıb ki, qarşılıqlı mədəni tədbirlər əsrlər böyu birgə yaşamış xalqlarımızın daha sürətlə bir-birinə yaxınlaşması prosesinə böyük töhfə olacaq.      H.Bəqayi ilə görüşdə Azərbaycanla İran arasında turizm əlaqələrinin inkişaf perspektivlərindən bəhs edən Ə.Qarayev deyib ki, hər il İrandan Azərbaycana gələn turistlərin sayı əvvəlki illə müqayisədə təxminən 10 faiz artır. Azərbaycanda türistlərin səmərəli istirahəti üçün beynəlxalq standartlara uyğun şərait yaradılıb.      Ölkələrimiz arasında mədəniyyət və turizm əlaqələrinin genişləndirilməsinin əhəmiyyətindən danışan İran rəsmiləri Azərbaycanla xoş münasibətlər qurulmasına xüsusi əhəmiyyət verildiyini və bu sahədə çoxşaxəli əlaqələrin sürətlə inkişaf etdiyini diqqətə çatdırıblar. Azərbaycan tərəfi 2010-cu ildə İranda keçirilmiş "Fəcr" beynəlxalq kino və teatr festivallarında fəal iştirak edib.       Görüşlərdə kino istehsalı, kino kadrlarının hazırlanması, kitab və rəsm sərgilərinin təşkili, görkəmli ədiblərin əsərlərinin Azərbaycan və fars dillərinə qarşılıqlı tərcüməsi və digər məsələlərə dair geniş fikir mübadiləsi aparılıb.

SEÇİLMİŞ XƏBƏRLƏR

Çox oxunanlar