Zamiq Məmmədli:”İran rejimi Azərbaycan türklərinə qarşı siyasətini dəyişməlidir”- Müsahibə

SON XƏBƏRLƏR

Zamiq Məmmədli:”İran rejimi Azərbaycan türklərinə qarşı siyasətini dəyişməlidir”- Müsahibə

2021.10.20, 07:36

Gunaz.tv

GünAz TV mətbuat mərkəzinin növbəti müsahibi, Praqa Universitetinin əməkdaşı, siyasi ekspert (karşünas) Zamiq Məmmədlidir.

- Zamiq bəy, son günlər Türkiyə-İran arasında münasibətlər gərginləşməkdədir. İran, Türkiyənin hansı siyasətindən narazıdır?

- Türkiyə ilə İran arasında indiki münasibətlərin əsası hələ 1920-ci ildən qoyulub. Baxmayarq ki Türkiyə NATO (Şimalı Atlantik Bloku) üzvü və Avropaya can atan, dünyəvi dövlətdir, son dövrlərdə bu iki dövlətin arasında gözəçarpacaq heç bir münaqişə olmayıb. Onillərdir iki dövlət arasında viza rejimi yoxdur. İranla Türkiyə arasında iqtisadi əlaqələr böyükdür və İran Türkiyə üçün Orta Asiya və Şərq ölkələrinə tranzit rolunu oynayır. İndi vəziyyət dəyişilib, İran ehtimal olunan müharibə zamanı Türkiyənin Amerika Birləşmiş Ştatları və İsrail tərəfində yer ala biləcəyindən ehtiyatlanır.

- Ümumiyyətlə, İran rejimi nə zamana kimi, dünyanın tələblərinə cavab verməyən siyasət yürüdəcək?

- Bu siyasət özünütəcridə doğru gedir, İran hal hazırda malik olduğu enerji resursları (imkanları) ilə hələ uzun müddət Qərbin təzyiqlərinə tap gətirəcəyini düşünür və Çin və Rusiyanı bu siyasətdə özünə müttəfiq kimi görür. Çin və Rusiyaya bel bağlayan ölkələrin isə sonrakı aqibətini hamımız görürük. İrana qarşı aparılacaq müharibədən ən çoz əziyyət çəkən ölkə məhz Azərbaycan olacaq. Bu regionda (bölgədə) iqtisadi, siyasi və sosial təlatümlər yaradacaq.

- Üstəlik, İran rejiminin üstünə getdikcə, Azərbaycan türklərinə qarşı siyasətini sərtləşdirir. Rejim, bu siyasəti nəticə verəcəkmi?

- İran rejimi belə hesab edir ki, Amerika və Qərb İrana qarşı təzyiq kimi orada yaşayan etnik azərbaycanlılardan istifadə edə bilər və əvvəlcədən ictimai və siyasi cəhətdən aktiv olan insanlara qarşı repressiyalar (sərkublar) aparmaqla "profilaktik (önləyici) tədbirlər" görür, amma bu birbaşa İranın özünə qarşı çevrilə biləcək çox təhlükəli bir oyundur. İran bunu anlamalı və etnik azərbaycanlılara qarşı repressiv siyasətini dəyişməlidir əks təqdirdə bu gələcəkdə İranın zorakı yolla parçalanmasına qədər gedib çıxa biləcək bir yoldur.

Söhbətləşdi: Elnur Eltürk

N.S

GUNAZ.TV

SON XƏBƏRLƏR