Contact Us

SON XƏBƏRLƏR

Bakıda 22 May (1 xordad) hadisələri adıldı

2021.10.20, 07:36
Bakıda 22 May (1 xordad) hadisələri adıldı

Gunaz.tv

GünAzTv: Mayın 21-də Bütöv Azərbaycan Birliyinin mənzil qərargahında Güney və Quzey Azərbaycan təşkilatlarının nümayəndələri, müstəqil milli-siyasi fəalların iştirakı ilə 22 may 2006-cı il hərəkatının 4-cü ildönümü ilə əlaqədar tədbir keçirildi.

 

Xatırladaq ki, 2006-cı il  mayın 22-də  Güney Azərbaycanın çeşidli şəhərlərində Tehran rejiminin rəsmi dövlət orqanı olan “İran” qəzetində türkləri təhqir edən materialın çapı  kütləvi etiraz aksiyalarının keçirilməsinə səbəb oldu.

 Aksiyalarda Güney Azərbaycan türklərinə qarşı yürüdülən ayrı-seçkilik siyasətinə son qoyulması tələb edidi. Yüz minlərlə insanın iştirak etdiyi etiraz aksiyalarının susdurmaq üçün rejim silahlı qüvvələrdən istifadə edib.

Çeşidli məlumatlara görə həmin etiraz aksiyalarında iştirak edən 20 nəfərdən çox Azərbaycan türkü hakimiyyətin güc strukturlarının açdığı atəş nəticəsində həlak oldu. 4000-dən çox insan yaralandı. Kütləvi həbslər həyata keçirildi, minlərlə azərbaycanlı həbs edildi. Onların bir çoxu həbsdədir, bəziləri barələrində açılmış “cinayət işi” ilə bağlı hələ də inqilab məhkəmələrində süründürülür. Eləcə də onlarla insanın taleindən xəbər yoxdur.   

 

Bütöv Azərbaycan Birliyi, Güney Azərbaycan Milli Oyanış Hərəkatı, Dünya Azərbaycanlıları Konqresi(Sabir Rüstəmxanlı və Fridun Pərvizniyanın həmsədr olduğu), Azərbaycan Milli İstiqlal Partiyası, Bütöv Azərbaycan Gənclər Təşkilatı, Qlobal İnteqrasiya və Dialoq Mərkəzi, Azərbaycan Demokrat Firqəsinin təmsilçiləri toplantının sonunda  həmin hadisələrin 4-cü ildönümü ilə bağlı bəyanat qəbul edib.

 

Bəyanatda deyilir: “22 May hərəkatı Azərbaycan türklərinin özünüdərk, özünə qayıdış prosesin sürətləndirərək, ədalətsizlik üzərində qurulan şovinist düşüncənin çöküşünün tezləşməsinə zəmin yaratdı. Bu həm də hakim irqçi sistemin əsarəti altındakı fars olmayan  başqa  millətlərin mübarizə əzminin güclənməsinə səbəb oldu.

 Ötən 4 il müddətində hakim şovinist sistemin daxilində baş qaldıran böhranlar  Güney Azərbaycan türkləri və millətlər həbsxanası olan İrandakı fars olmayan başqa millətlərin milli azadlıq mübarizəsinin yaxın gələcəkdə qələbə ilə sonuclanacağına şübhə yeri qoymur.

Biz bu bəyanatı qəbul edən təşkilat və şəxslər olaraq 22 may hə

rəkatında şəhid olan soydaşlarımızı sayqıy ilə  anır və onların yolunun davamlı olacağına, qələbə ilə nəticələnəcəyinə inamımızı bildiririk”. Qaynaq: “Bütöv Azərbaycan Birliyi” saytı

SEÇİLMİŞ XƏBƏRLƏR

Çox oxunanlar