GünAzTv: İranın nüvə proqramına dair BMT Təhlükəsizlik Şurasının yeni qətnamə layihəsi Tehrana qarşı sanksiyaların miqyasının son dərəcə genişləndirilməsini nəzərdə tutur.

Bu qətnamə layihəsində hətta İran üçün nüvə sənayesində istifadə oluna biləcəyi şübhə doğuran yükləri daşıyan gəmilərin təftişi nəzərdə tutulur.

İrana qarşı yeni sanksiyalar ideayısını həmişəkindən fərqli olarsq bu dəfə Çin və Rusiya da dəstəkləyirlər.

Birləşmiş Ştatların BMT-dəki səfiri Süzan Rays layihənin mühüm məqamlarını açıqlayarkən deyib ki, qətnamə layihəsi Təhlükəsizlik Şurasının İranın nüvə fəaliyyətini və kütləvi-qırğın silahlarının yayılmamasına dair müqavilənin şərtlərini pozan hər hansı fəaliyyətini qadağan edir.

Səfir bildirib ki, yeni sanksiyalar İranın əsasən nüvə sənayesini təsirləndirəcək sahələri əhatə edir.

Yeni sanksiyalar İranın hətta adi silahlar almasını belə qadağan edir.

Həmçinin İranın nüvə başlığı daşıya biləcək raketlərin istehsal etməsi qadağan olunacaq.

Yeni qətnamə həmçinin Tehran üçün xarici banklarla hər hansı köçürmə əməliyyatlarını xeyli çətinləşdrəcək.

Bundan bir qədər əvvəl Amerikanın dövlət katibi Hilari Klinton bəyan etmişdi ki, BMT Təhlükəsilik Şurasının beş daimi üzvü, onun təbirincə desək, İrana dair yeni və daha güclü sanksiyalar barəsində razılığa gəliblər.

Xanım Klinton Senatın Xarici Əlaqələr Komitəsi qarşısında çıxış edərkən deyib ki, sanksiyalar barədə qətnamənin layihəsi Təhlükəsizlik Şurasının üzvləri arasında paylanacaq.

Bundan bir gün əvvəl Türkiyə və Braziliya İranın zənginləşdirilmiş uran yanacağının mübadiləsi barədə razılaşma əldə etmişdilər.

Ankara və eləcə də Tehran bu yolla sanksiyaları ən azı ləngidə biləcəklərinə ümid edirdilər.

Lakin Hilari Klinton bildirib ki, Tehranda əldə edilmiş razılaşma İranın nüvə proqramına dair bir sılra sualları cavabsız buraxır.

"Biz Nyu-Yorkda mühüm görüşə getdiyimiz bir vaxtda İranın belə bir bəyannamə barədə razılığa gəlməsini heç də təsadüf hesab etmirik, deyib Hilari Klinton, - Türkiyə və Braziliyalı həmkarlarımızın ciddi-cəhdlərini yerə vurmadan deməliyəm ki, indi Rusiya və Çin də İrana qarşı yeni sanksiyalara tərəfdardırlar və iranlılar da məncə elə bu qərardan yayınmağa çalışırdılar”.

Bu arada yayılan bir sıra xəbərlərdə deyilir ki, İrana dair Təhlükəsizlik Şurasının yeni qətnamə layihəsində bu ölkəyə ağır hərbi texnikanın, yəni tank və artilleriya qurğularının, həmçinin döyüş təyyarələri və gəmilərinin satışına qadağan qoyulur.

Amerika dövlət katibinin İrana dair son bəyanatı heç şübhəsiz Ankaranın pərtliyinə səbəb olub.

Türkiyənin baş naziri Recep Teyyib Erdoğan deyib ki, İran üzərinə təəhhüdlər qoyan bir saziş imzalanıb və bu sazişin pozulması xoşagəlməz nəticələrə səbəb ola bilər:

Türkiyə baş naziri ad çəkməsə də aydın şəkildə BMT Təhlükəsizlik Şurasının daimi üzvlərini nəzərdə tutaraq bildirib ki, regionda nüvə problemini nüvə silahına malik olanların müzakirə etməsi ən azı qəribə görünür. bbc