GünAzTv: Bu sözləri Azərbaycan prezidenti İlham Əliyev Türkiyənin Baş naziri Rəcəb Tayyib Ərdoğanla görüşündə deyib.

Xəbər verdiyimiz kimi Türkiyənin Baş naziri Rəcəb Tayyib Ərdoğan dünən –may ayının 17-də Azərbaycana rəsmi səfərə gəlib.

Baş naziri və xanımı Əminə Ərdoğanı prezident İlham Əliyev və xanımı Mehriban Əliyeva qarşılayıb. 

Azərbaycan və Türkiyənin dövlət, hökumət nümayəndələri Baş nazir Rəcəb Tayyib Ərdoğana və prezident İlham Əliyevə təqdim olunub. Sonra dövlət başçısı və baş nizirin təkbətək görüşü keçirilib. Görüşdə Azərbaycanla Türkiyə arasında dostluq və qardaşlıq münasibətlərinin uğurla inkişafından məmnunluq ifadə olunub. Daha sonra nümayəndə heyətlərinin iştirakı ilə geniş tərkibdə görüş başlayıb. Prezident İlham Əliyev bu səfərin səmərəli olacağına əminliyini bildirib. Dövlət başçısı deyib ki, Azərbaycanla Türkiyə arasında münasibətlər uğurla inkişaf edir. Səfərin çox gözəl nəticələr verəcəyini vurğulayan prezident İlham Əliyev vurğulayıb ki, iki qardaş ölkənin əməkdaşlığı bundan sonra da uğurla davam etdiriləcək. Baş nazir Rəcəb Tayyib Ərdoğan isə deyib ki, Türkiyə ilə Azərbaycan bir-birinə güc qatmaqla gələcəyi quran iki qardaş ölkədir. Ərdoğan hər səfərində Azərbaycanı daha inkişaf etmiş dövlət olaraq gördüyünü qeyd edib. O vurğulayıb ki, Azərbaycanın zənginliyi Türkiyənin zənginliyidir. 

Daha sonra mətubat konfransı keçirilib. Rəsmi Bakının bu səfərə böyük önəm verdiyini bildirən prezident İlham Əliyev Azərbaycanla Türkiyə arasında bütün sahələrdə əlaqlərin inkişaf etdiyini deyib. İki dövlət arasında əməkdaşlığın indiyədək yaxşı nəticələr verdiyini vurğulayan ölkə başçısı bəyan edib ki, Türkiyə-Azərbaycan münasibətləri bütün türk dünyası üçün mühüm rol oynayır. Prezident Dağlıq Qarabağ münaqişəsinin həlli prosesi ilə bağlı son vəzəiyyət barədə də baş nazir Ərdorğana məlumat verdiyini bildirib. Danışıqlar prosesində irəliləyişin olmadığını vurğulayan dövlət başçısı qeyd edib ki, hər zaman kostruktivlik nümayiş etdirən Azərbaycan Ermənistandan adekvat münasibət gözləyir. Rəsmi Bakı yenilənmiş Madrid prinsiplərini qəbul etsə də, İrəvan 6 ay ötməsinə baxmayaraq hələ də bu təklifə cavab verməyib. Ermənistanın reaksiyasının mənfi olacağı təqdirdə danışıqlar prosesində yeni dövr başlayacaq. 

Türkiyənin Dağlıq Qarabağ münaqişəsi ilə bağlı həssaslığını davam etdirəcəyini deyən Baş nazir Rəcəb Tayyib Ərdoğan bir daha bəyan edib ki, münaqişə həll olunmadan, ölkəsi ilə Ermənistan arasında imzalanan protokollar ratifikasiya edilməyəcək. 

Danışıqlarda Azərbaycanla Türkiyə arasında Əməkdaşlıq Şurasının yaradılması barədə razılıq əldə olunub. 

Müzakirələr zamanı iki ölkə arasında təbii qazın alqı satqısı və nəqli barədə məsələyə də toxunulub. 

Qeyd edək ki, səfər çərçivəsində Azərbaycan və Türkiyənin birinci xanımlarının da görüşü keçirilib. itv