BMT Təhlükəsizlik Şurası Suriya ilə bağlı bəyanat qəbul edib

SON XƏBƏRLƏR

BMT Təhlükəsizlik Şurası Suriya ilə bağlı bəyanat qəbul edib

2021.10.20, 07:36

Gunaz.tv

GünAz TV: Daha əvvəl veto hüququndan istifadə edən Rusiya və Çin də sənədə dəstək nümayiş etdirib.

BMT (Birləşmiş Millətlər Təşkilatı) Təhlükəsizlik Şurasının üzvləri nəhayət ki Suriya ilə bağlı yekdil fikrə gələ biliblər. Şura üzvlərinin qəbul etdiyi birgə bəyanat BMT-nin Suriya ilə bağlı xüsusi təmsilçisi Kofi Annanın təklifləri əsasında hazırlanıb. Sənəddə Suriyadakı böhranın həlli üçün Kofi Annanın hazırladığı 6 maddədən ibarət planı təcili həyata keçirmək üçün hakimiyyət və müxalifət nümayəndələri könüllü şəkildə onunla işləməyə çağırılır.Təkliflərdən birində münaqişə tərəflərindən bütün növ silahlı zorakılığın dayandırılması, qoşunların iri şəhərlərdən çıxarılması istənilir. Sənəddə həmçinin silahlı qarşıdurmalardan zərər çəkmiş rayonlara (məntəqə) humanitar (insani) yardımların çatdırlmasını təmin etmək və qanunsuz həbs edilən insanların azad olunması tələb olunur. Daha əvvəl iki dəfə sənədə veto qoyan Rusiya və Çin də qərardan razı qalıb. İclasdan sonra açıqlama verən Rusiyanın qurumdakı daimi nümayəndəsi Vitali Çurkin Təhlükəsizlik Şurasının Suriyada vəziyyətin nomallaşdırılması üçün konstruktiv (yararlı) qərar qəbul etməsindən şad olduqlarını bildirib. O, bu addımın böhranın həllinə və vacib siyasi dəyişikliklərə gətirib çıxaracağına ümüd etdiyini deyib.

Ölkədə isə vəziyyət gərgin olaraq qalır. Suriya insan haqları təşkilatlarının məlumatına görə təhlükəsizlik qüvvələrinin müxtəlif şəhərlərdə keçirdiyi son əməliyyat zamanı onlarla insan həyatını itirib. Bildirilir ki, Xomsda aralarında qadın və uşaqların da olduğu 45, Derada 9, Hamada 11, İdlibdə 4, Dəməşqdə 2 nəfər öldürülüb. N.S

GUNAZ.TV

SON XƏBƏRLƏR