Ən çox silah alan və satan ölkələr açıqlandı

SON XƏBƏRLƏR

Ən çox silah alan və satan ölkələr açıqlandı

2021.10.20, 07:36

Gunaz.tv

Ən çox silah alan və satan ölkələr açıqlandıGünazTV: Stokholm Beynəlxalq Sülh Araşdırma İnstitutu qlobal silah ticarəti ilə bağlı 2011-ci il hesabatını açıqlayıb.

“Hürriyet” qəzetinə istinadən alındığı məlumata görə, hesabatda qeyd edilib ki, 2007-2011-ci illərdə silahlanma üçün ayrılan xərclər öncəki 5 illə müqayisədə 24 faiz artıb.

Silah ixracının 44 faizi Asiya ölkələrinin, 7 faizi Orta Şərq ölkələrinin, 11 faizi Amerika ölkələrinin, 9 faizi Afrika ölkələrinin payına düşür.

Silah almaq ən çox pul Hindistan xərcləyib. Pakistan ilə sərhəd problemi olan Hindistanın payına dünya miqyasında silah üçün xərclərin 10 faizi düşür. Hindistanı dünya silah idxalında 6 faiz payla Cənubi Koreya və 5 faiz payla Pakistan təqib edir. Çin də dünyada silah idxalında 5 faiz paya malikdir. Lakin diqqət çəkən məqam 2002-2006-cı illərdə ən böyük silah alıcısı olan Çinin son 5 ildə dördüncü sıraya enməsi deyil, silah ixracını 95 faiz artıraraq dünyada ən böyük silah satıcıları siyahısında 6-cı yerə çıxmasıdır. Mütəxəssislərə görə öz müdafiə sənayesini inkişaf etdirmək üçün böyük sərmayələr qoyan Çinin ən böyük müştərisi Pakistandır. Üsyanlarla çalxalanan Orta Şərq ölkələrinin hakimiyyətləri də silah idxalını artırıb. ABŞ-dan 154 ədəd “F-15” döyüş təyyarəsi sifariş edən Səudiyyə Ərəbistanı bununla tək 2011-ci il deyil, son 20 ildə ən böyük silah idxalını həyata keçirir.

Misir və Tunis də silah almaq üçün ABŞ-a üz tutub. ABŞ Misirə 45 ədəd “M-1A1” tankı satıb. Bu siyahıya növbəti illərdə 125 ədəd tank da əlavə ediləcək. Suriya da xarici müdaxiləyə qarşı müdafiə potensialını gücləndirir. Bəşər Əsəd hakimiyyəti hava müdafiə sistemləri və gəmi əleyhinə raketlər idxal etməyə başlayıb.

Suriya 207-2011-ci illərdə öncəki 5 illə müqayisədə silah idxalını 6 dəfə artırıb. Bunun nəticəsində Suriya ən çox silah idxal edən ölkələrin siyahısında 68-ci yerdən 33-cü yerə yüksəlib.

Suriya bu silahların 72 faizini Rusiyadan, 19 faizini Belorusdan, 9 faizini İrandan alıb.

İqtisadi böhranın ağır təsirləri altında olan Yunanıstan silah ixracı üçün ayrılan büdcəni azaldıb. Rəsmi Afina son 5 ildə silah idxalını 18 faiz azaldıb.

Venesuela isə silahlanma üçün ayırdığı büdcəsini 555 faiz artırıb və dünyada ən çox silah alan ölkələr siyahısında 15-ci yerə yüksəlib.

2007-2011-ci illərdə ən çox silah ixrac edən ölkələr isə ABŞ, Rusiya, Almaniya, Fransa və İngiltərə olub. Altıncı yerdə qərarlaşmış Çin isə 95 faiz yüksəlişlə silah tədarükçüləri içərisində satışını ən çox artıran ölkədir.

S.B

GUNAZ.TV

SON XƏBƏRLƏR