Contact Us

SON XƏBƏRLƏR

Pan Ki Mun Novruz Bayramı münasibəti ilə müraciət edib

2021.10.20, 07:36
Pan Ki Mun Novruz Bayramı münasibəti ilə müraciət edib

Gunaz.tv

GünAz TV: BMT-nin (Birləşmiş Millətlər Təşkilatının) Baş katibi Pan Ki Mun 21 mart (March) Beynəlxalq Novruz Günü münasibəti ilə müraciətlə çıxış edib.

Müraciətdə deyilir ki, Novruz bəşər tarixinin mövcud olduğu min illər boyunca dünyada üç yüz milyon insan üçün regionları (bölgələri) və millətləri, etiqad və dilləri baharın ilk günündə təbiətin yenilənməsi münasibəti ilə birləşdirir. Novruz ailə və dostlar, bayram təamları, rəqs və şənlik bayramıdır. Novruz bütün icmalar arasında qarşılıqlı hörmət və harmoniyaya xüsusi diqqət ayrıldığı bir gündür. Novruz təravətlilik və oyanış, sülh və rifah arzularımızın yeniləndiyi bir andır. BMT-nin Baş katibinin fikrincə hər il bu bayram dünyandakı fərqliliklərini nümayiş etdirir və bizim hər birimizi birləşdirən ortaq cəhətləri möhkəmləndirmək üçün bir şans yaradır. Məhz buna görə də Novruz bayramı bu yaxınlarda YUNESKO-nun qeyri-maddi mədəni irs siyahısına daxil edilib. Bu addımın atılmasına səbəb olan birgə səylər BMT Baş Assambleyasının (məcmə-i ümumi) 21 martı Beynəlxalq Novruz Günü kimi tanımasına gətirib çıxarıb. Pan Ki Mun bildirib ki, Novruzun qeyd edildiyi ərazilər də daxil olmaqla qlobal dəyişikliklər və tərəddüdlərin baş verdiyi bir vaxtda kökündə sülhə çağırışın durduğu bu günün qeyd edilməsi xüsusi əhəmiyyət daşıyır. “Mənim ürəyim çətin şərtlər altında Novruzu qeyd edən icmalarladır. Bu bayram insanların taleyinin bir olması və hər kəs üçün daha yaxşı gələcəyə nail olmaq üçün çalışmalı olduğumuz haqqında bir xatırlatmadır”. N.S

SEÇİLMİŞ XƏBƏRLƏR

Çox oxunanlar