Contact Us

SON XƏBƏRLƏR

Dəməşqdə qızğın döyüşlər gedir

2021.10.20, 07:36
Dəməşqdə qızğın döyüşlər gedir

Gunaz.tv

GünAz TV: Suriyanın paytaxtı Dəməşqdə "Azad Suriya Ordusu"nun üsyançıları ilə hökumət qüvvələri arasında qızğın döyüşlər gedir.

Bəşər Əsədə sadiq qüvvələrlə onun əleyhdarları arasında döyüşlər əsasən şəhərin əl-Məzzə rayonunda (məntəqə, şəhər) gedir ki, burada da ölkənin əsas təhlükəsizlik qurumlarının binaları, eləcə də hərbi aeroport (hava limonu) yerləşir.

 Təhlükəsizlik qüvvələrinin Dəməşqin bəzi küçələrini bağladığı bildirilir. Dəməşqdə döyüşlər iki gün əvvəl törədilən partlayışların, eləcə də dünən Hələb şəhərində törədilən partlayışın pislənilməsi məqsədi ilə kütləvi nümayişlərdən sonra başlayıb.

GünAz TV mətbuat mərkəzinin “Ans press”-ə istinadən yaydığı məlumata görə,  Dünən Dəməşqdə partlayışın 27 qurbanının dəfn mərasimindən sonra keçirilən nümayişin bəzi fəalları polis tərəfindən döyülərək həbs edilib. Həbs edilənlər arasında Bəşər Əsədlə müxalifət arasında dialoqa nail olmaq üçün Çin və Rusiyaya səfərlər etmiş müxalifət nümayəndəsi Məhəmməd Səyyid Rassas da var.

"Suriya insan haqları müşahidəçilər" adlı qrup dünən bütün ölkədə ikisi uşaq olmaqla, 67 nəfərin öldürüldüyünü bəyan edib. Onların raket zərbələri və artilleriya (topxana) atəşi nəticəsində öldüyü bildirilir. Deyr-əz-Zor şəhərində atışmalarda 7 üsyançı öldürülüb. Raqqa şəhərində isə son 3 gün ərzində təhlükəsizlik qüvvələri azı 20 nəfəri güllələyib. Qətllərin əksəriyyəti etirazçılar Bəşər Əsədin atasının abidəsini yıxmağa çalışarkən törədilib. Təhlükəsizlik qüvvələri ilə müxalifət tərəfdarları arasında atışmalar Duma və Hələb şəhərlərində də baş verib. Hələb şəhərinin bəzi rayonlarında (şəhər, məntəqə) sakinlərin artilleriya atəşi səbəbindən öz evlərini tərk etdiyi bildirilir.

BMT (Birləşmiş Millətlər Təşkilatı) Suriyada Bəşər Əsədin istefası tələbi ilə nümayişlər və iğtişaşlarda 1 il ərzində 8000-dən çox adamın öldürüldüyünü bəyan edir. Suriya insan haqları müdafiəçiləri isə bu rəqəmin 9000-i ötdüyünü və onların böyük əksəriyyətinin dinc sakinlər olduğunu deyib. N.S

SEÇİLMİŞ XƏBƏRLƏR

Çox oxunanlar